News Portal

  • सरकारको मति बिग्रियो : सचिव ढकाल

    भक्तपुरपोस्ट संवाददाता भक्तपुर, १६ कात्तिक
    ३९० पटक
    भक्तपुर, १६ कात्तिक

    नेपाल कम्युनिष्ट पार्टी(नेकपा)का एक अध्यक्ष केपी शर्मा ओली नेतृत्वको सरकारप्रति उनकै दलका नेता कार्यकर्ता सन्तुष्ट देखिएका छैनन् । पछिल्लो समय आम जनतासंग प्रत्यक्ष जोडिएको कोभिड १९ को उपचारमा सरकारले शुल्क असुल्ने नीति लिएपछि सरकार अझै आलोचित बनेको छ ।

    यसैबीच पार्टीका भक्तपुर जिल्ला कमिटी सचिव समेत रहेका डिपी ढकालले सरकारको मति बिग्रिएको सार्वजनिक अभिव्यक्ति दिएका छन् । आइतवार सामाजिक संजालमा आफ्नो धारणा व्यक्त गर्दै उनले कोभिड १९ को उपचारमा पैसा असुल्न खोज्नुबाट सरकारको मति बिग्रिएको प्रष्ट भएको बताएका हुन् ।

    कोभिड १९ को लागि शुक्रराज ट्रपिकल तथा सरुवा रोग अस्पतालबाट जारी सशुल्क उपचार सम्बन्धी सूचना शेयर गर्दै सचिव ढकालले लेखेका छन्, ” मति के साह्रो बिग्रेको ! निर्णय सच्याउन तुरुन्त पहल गरियोस् ।” उनले शेयर गरेको सूचनामा अस्पतालले आइसीयु र आइसोलेसनका लागि न्युनत्तम २० देखि पचास हजार धरौटी मागेको छ भने दैनिक खर्च बिरामीको अवस्था अनुरुप पैतिस सय रुपैया देखि पन्ध्र हजार सम्म पर्ने उल्लेख गरिएको छ ।

    आम जनतालाई राहत दिनुको साटो उपचार खर्च असुल्ने यो अवस्था सरकार बिहिनताको अवस्था भएको भन्दै सामाजिक संजालमा नेकपाका नेता कार्यकर्ताहरुले असन्तुष्टि पोखिरहेका छन् । पार्टीले यस विषयमा आवश्यक पहल लिनुपर्ने र सत्ताको संकीर्णता सच्याउदै जनताको आसा र भरोसाको केन्द्र बन्नु पर्ने उनीहरुको भनाइ रहेको देखिन्छ ।

    प्रतिकृया दिनुहोस्

    गएराती भएको सडक दुर्घटनामा राधेराधेका एक युवकको निधन

    गएराती मध्यपुर थिमि- ४ एस.एस. चोक नजिक दुर्घटनाग्रस्त स्कुटी चालकको ज्यान गएको छ । भक्तपुरबाट...

    वर्षौदेखि अध्यारोमा बस्न बाध्य नगरकाेटबासीका समस्या समाधान हुँदै

    बत्ती मुनी अध्यारो भने झैँ वर्षौदेखि बिजुली भएर पनि अध्यारोको समस्या भोगिरहेका नगरकोटका करिब ६...

    कम्युनिस्ट सरकार ५ वर्ष चल्छ, रोग र भोकले कोही मर्दैनः मुख्यमन्त्री भट्ट

    डोटी, १५ मंसिर । सुदूरपश्चिम प्रदेशका मुख्यमन्त्री त्रिलोचन भट्टले नागरिकलाई घरघरमा स्वास्थ्य सेवाको पहुँच पुर्‍याउन...

    नेपालमा कोरोनाबाट मृत्यु हुनेको संख्या १५ सय नाघ्यो

    काठमाडौं, १५ संवाददाता । पछिलल्लो २४ घण्टामा कोरोना भाइरस (कोभिड १९) को कारण थप २९...

    आधा घण्टामै नतिजा आउने ‘एन्टिजेन विधि’बाट नेपालमा कोरोना परीक्षण सुरू

    काठमाडौं, १५ मंसिर । सरकारले कोरोना परीक्षण गरेको आधा घण्टामा नै रिपोर्ट आउने एन्टिजेन विधिबाट...