गएराती मध्यपुर थिमि- ४ एस.एस. चोक नजिक दुर्घटनाग्रस्त स्कुटी चालकको ज्यान गएको छ । भक्तपुरबाट काठमाण्डौ तर्फ जादै गरेको बा ७३ प ३८२ नं को स्कुटी चालकले ज्यान गुमाएका हुन ।                                                                                                                                               उक्त स्कुटीका चालक राधेराधेका २९ वर्षिय राजु तामाङ रहेको प्रहरीले पुष्टि गरेको हो । राती करिब सवा १० बजे स्कुटी अनियन्त्रित भई आफै दुर्घटना हुदा चालक तामाङ गम्भीर घाइते भएका थिए । प्रहरी परिसरका डिएसपी दिपक गिरीका अनुसार खबर प्राप्त हुनासाथ ठिमी बृत्तबाट सि.आर.भी. टोली खटी गई उनलाई मध्यपुर अस्पताल पुर्याएको थियो ।  मध्यपुरले रिफर गरी नर्भिक अस्पताल लगिएकोमा सम्बन्धित चिकित्सकले घाइते तामाङ लाई  मृत घोषित गरिदिएका थिए ।                                                                                                       घटनास्थलमा महानगरीय प्रहरी वृत्त ठिमीबाट अनुसन्धान अधिकृत सहितको प्रहरी टोली खटि प्रारम्भिक अनुसन्धान कार्य गरिएको छ । घटनाको थप अनुसन्धान कार्य भईरहेको प्रहरीको भनाइ छ ।