News Portal

  • प्राचीन शैलीमा चरिघ्याङ गुम्बा पुनर्निर्माण

    रासस
    १५०९ पटक

    दोलखा, २० पुस । दोलखाको भीमेश्वर नगरपालिका–३ चरिकोटस्थित चरिघ्याङमा रहेको ऐतिहासिक चरिघ्याङ गुम्बाको पुनर्निर्माण सम्पन्न भएको छ । विसं २०७२ को भूकम्पले ध्वस्त बनेको गुम्बा पाँच वर्षपछि प्राचीन शैलिमा नै पुनर्निर्माण सम्पन्न भएको हो ।

    विसं २०७५ मङ्सिरदेखि निर्माण शुरु गरिएको गुम्बा प्राचीन शैलीमा चुना सुर्किको प्रयोग गरी बुट्टेदार काठको प्रयोग गरी पुरानै शैलीमा निर्माण गरिएको छ । बौद्ध धर्मलम्बीको आस्थाका रुपमा पुजिने र पर्यटकीय रुपमा समेत आकर्षण रहेको ऐतिहासिक घरिघ्याङ गुम्बा भूकम्पले ढलेपश्चात पुरातत्व विभागको सहयोगमा पुनर्निर्माण गरिएको हो ।

    पुरातत्व विभागको करिब दुई करोड ७८ लाख रकममा सिएम तुलसी कष्ट्रक्सन जेभिले गुम्बाको पुनर्निर्माण गरेको हो । दुई वर्षभित्र गुम्बाको पुनर्निर्माण सम्पन्न गर्नेगरी सिएम तुलसी कष्ट्रक्सन जेभिले गुम्बा निर्माणको काम जिम्मा लिएको थियो । ऐतिहासिक गुम्बा बलियो बनाउनका लागि चुना सुकिको प्रयोग गरी सालको काठमा कलात्मक झ्याल ढोकाको प्रयोग गरी आकर्षक रुपमा निर्माण गरिएको छ ।

    गुम्बामा साना तथा ठूला गरी करिब डेढदर्जन भन्दा बढी बुद्धको मूर्ति छन् । भूकम्पले गुम्बा ढलेपछि मूर्ति तथा महत्वपूर्ण सामग्री टहरामा राखिएको थियो । टहरामा राखिएका मूर्ति चोरी हुने र चिसोका कारण बिग्रिने चिन्तामा रहेका स्थानीयवासी समयमा नै गुम्बाको पुनर्निर्माण भएपछि खुशी भएका छन् । गुम्बालाई विसं १६५८ मा तत्कालीन राजाले लालमोहर प्रदान गरेको र विसं १८१८ फागुन ९ गते पृथ्वीनारायण शाहले प्राचीन गुम्बाको सूचीमा सूचीकृत गर्न लगाएको इतिहास रहेको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...