News Portal

  • भक्तपुरमा नेता श्रेष्ठले भने : राष्ट्रबादी मुकुण्डो लगाएर प्रधानमन्त्रीले दलाली गरे

    भक्तपुरपोस्ट संवाददाता भक्तपुर, ५ माघ
    ७७१ पटक
    भक्तपुर, ५ माघ

    नेपाल कम्युनिष्ट पार्टी (नेकपा) को प्रचण्ड-नेपाल समूहले भक्तपुरको चारवटै नगरमा एकैपटक प्रतिगमन विरुद्ध विरोध प्रदर्शन गरेकाे छ । सोमबार देशव्यापीरुपमा आह्वान भएको कार्यक्रम अन्तर्गत भक्तपुरमा पनि स्थानीय तहमा विरोध प्रदर्शन भएको हो ।

    भक्तपुर नगरको विरोध सभालाई सुकुलढोकामा सम्बोधन गर्दै नेकपाका नेता देवेन्द्र श्रेष्ठ दिवाकरले प्रधानमन्त्री केपी शर्मा ओली बिदेशीको दलाल भएको दावी गरे । राष्ट्रबादी मुकुण्डो लगाएर प्रधानमन्त्रीले बिदेशीको इशारामा संसद बिघटन गरेको उनको दावी छ । लिपुलेक, लिम्पियाधुरा र कालापानी समेटेको नक्सा एकमतले स्वीकृत गर्ने प्रतिनिधि सभा बिघटन गरेर भारतले आफ्नो सामर्थ्य देखाइदिएको उनको भनाइ छ ।  नयाँ नक्सा पार्टीको निर्देशनपछि जारी भएको जिकिर गर्दै नेता श्रेष्ठले पाठ्यक्रममा त्यसलाई राख्न नमान्नुले प्रधानमन्त्रीको राष्ट्रबाद उतिबेलै नाङ्गीसकेकाे प्रष्ट पारे ।

    त्यसैगरी उनले एमसीसीप्रति संसद अनुदार देखिएकोले संसद भंग गरिएको बताए । एमसीसी पास नगर्ने पार्टीको अडानपछि प्रधानमन्त्री ओली पार्टीले काम गर्न दिएन भन्दै रुँदै हिँडेका र अन्तिममा प्रतिगमनमा उत्रिएका नेता श्रेष्ठले सुनाए । इन्डो-अमेरिकी डिजाइनमा ओलीले कठपुतली सरकार चलाइरहेको र त्यो सचेत नेपाली नागरिकलाई कदापी सह्य नभएको उनको भनाइ छ । नेता श्रेष्ठले प्रतिगमन नसच्याए बालुवाटारबाट प्रधानमन्त्रीलाई घिसारेर शहर घुमाइने उद्घोष गरे ।

    नेता श्रेष्ठले भक्तपुरका स्थापित वामपन्थी नेता एवं नेपाल मजदुर किसान पार्टीका अध्यक्ष नारायणमान बिजुक्छेँ राेहितलाई लक्षित गर्दै विस्तारबादी र साम्राज्यवादीको बिरोध गरेर नथाक्ने नेता बिजुक्छेँ प्रतिगमनको मतियार बनेको बताए । देश अप्ठ्यारोमा परेको बेला संसद बिघटनको पक्षमा बोल्दै हिँड्नुले देशभक्त भक्तपुरका जनताको अवमूल्यन भएको उनको भनाइ छ । युट्युब समेत नछाडी बिजुक्छेले लगातार दिइरहेको इन्टरभ्यु पछिको इण्टेरेस्ट केहि समयमै बाहिर आउने नेता श्रेष्ठले जानकारी दिए ।

    उक्त विरोध कार्यक्रममा नेकपाका भक्तपुर नगर इन्चार्ज सुनिल बासुले प्रधानमन्त्री ओलीले संबिधानमा भ्वांग पारेको भन्दै अहिले नै त्यसलाई नासिलाए संबिधान ध्वस्त हुने र देश द्वन्द्वमा फस्ने दावी गरे । त्यसैगरी अर्का नेता माइलाबाबु ध्यौलाले आफूलाई केपी ओली लाई प्रधानमन्त्री भन्न पनि मन नलाग्ने भन्दै ओली केवल केही चम्चाहरुका मात्र प्रधानमन्त्री बन्न पुगेका बताए ।

    नेता रामचन्द्र दथेपुथेले संचालन गरेको कार्यक्रममा  भक्तपुर नगरभित्रका नेता तथा कार्यकर्ताको उल्लेख्य उपस्थिति रहेको थियो भने स्थानीयले अभिरुचीपूर्वक नेताका कुरा सुनेका थिए ।

     

    प्रतिकृया दिनुहोस्

    कोभिड असरका बाबजुद खेलकुद : भक्तपुरमा अन्तर नगर बुद्धिचाल प्रतियोगिता हुने

    भक्तपुर नगरपालिकाले गत वर्ष झैँ यस वर्ष पनि अन्तर नगर खेलकुद प्रतियोगिता र नगरब्यापी विद्यालय...

    राजधानीमा सूर्योदय

    भव्य समारोहका बीच राजधानीमा सूर्योदय गजल संग्रहको लोकार्पण भएको छ । डी. आर. न्यौपाने ‘सूर्य’...

    विप्लव समूहसंग रातारात सहमती नभएको प्रधानमन्त्रीकाे प्रष्टाेक्ति

    प्रधानमन्त्री केपी शर्मा ओलीले बिद्रोही दल विप्लव नेतृत्वको नेपाल कम्युनिष्ट पार्टी संग सम्पन्न सहमती रातारात...

    विप्लव नेतृत्वको बिद्रोही दल माथिको प्रतिबन्ध फुकुवा

    सरकारले प्रतिवन्धित बिद्रोही दल विप्लव नेतृत्वको नेकपाको प्रतिबन्ध फुकुवा गर्ने निर्णय गरेको छ । बिहीबार...

    भक्तपुरकाे मल्लकालीन मठमा साधुको सामूहिक भाेज

    भक्तपुर: शुक्रबार बिहानको घामसँगै सहरको भित्री बस्तीमा भर्खर चहलपहल सुरु भएको थियो। दत्तात्रयको ठीकपछाडि पुजारी...