News Portal

  • चाँगुनारायणमा जग्गा हेर्ने बहानामा ज्यान लिने मूख्य योजनाकार पक्राउ

    भक्तपुरपोस्ट संवाददाता भक्तपुर, ५ माघ
    ९४० पटक
    भक्तपुर, ५ माघ

    जग्गा हेर्ने बहानामा कुटपिट, लुटपाट र हत्यामा संलग्न भएको अभियोगमा मूख्य अभियुक्त पक्राउ परेका छन् । भक्तपुरको चाँगुनारायणमा गत असोजमा घटना घटाई फरार रहेका मूख्य अभियुक्त आइतवार पक्राउ परेका हुन् ।

    चाँगुनारायण नगरपालिका वडा नं.-८, सुडाल बस्ने वर्ष-६१ को चन्द्र बहादुर योञ्जन (लामा) को पसलमा आएका दुई जना अपरीचित व्यक्तिहरु बाट भएको घटनामा संलग्न रहेका कामी लामा, रमेश तामाङ प्रेम तामाङको बयानपछि मुख्य योजनाकार माईला भन्ने सोनाम तामाङलाइ महानगरीय अपराध महाशाखाले पक्राउ गरेको हो।

    गएको असोज २१ गते वियर समेत सेवन गरी आफन्तलाई जग्गा चाहिएको छ भन्ने बहाना बनाई चन्द्र लामा योञ्जनलाई जग्गा हेर्न भनी पसल भन्दा अन्दाजी १ कि.मी. पर विडोलफाँट स्थितमा रहेको धानखेतमा लगी कुटपिट गरी उनको साथमा रहेको सुनको ब्रासलेट तथा मोवाईल समेत लुटी कर्तव्य गरी फरार भएका थिए । उपचारको क्रममा ग्रीनसिटी अस्पताल बसुन्धरामा चन्द्र लामा योञ्जनको मृत्यु भएको थियो।

    घटनामा संलग्न व्यक्तिहरूको निरन्तर अनुसन्धान तथा खोजतलास पश्चात घटनाका मुख्य योजनाकार मध्यका जिल्ला सिन्धुपाल्चोक बाह्रविसे न.पा. वडा नं. २ टिमुरे घर भएका ४२ का माईला भन्ने सोनाम तामाङलाई महानगरीय अपराध महाशाखाबाट खटिएको टोलीले जिल्ला काभ्रे धुलीखेलबाट पक्राउ गरि आवश्यक कारवाहीको लागी भक्तपुर जिल्ला अदालतको आदेशले पुर्पक्षको लागि थुनामा राखी कारवाही चलाएको महाशाखाले जनाएको छ।

    महाशाखाले “अपरेसन रक्स” संचालन गरी घटनामा संलग्न भएका व्यक्तिहरु मध्ये कामी लामा, रमेश तामाङ र प्रेम तामाङलाई यस अघि नै मिति २०७७/०६/२६ गते  काठमाण्डौंका विभिन्न स्थानबाट पक्राउ गरी आवस्यक कारवाही प्रक्रिया अघि बढाइ सकेको जानकारी गराएकाे छ ।

    प्रतिकृया दिनुहोस्

    सल्लाघारीमा भयानक दुर्घटना : मोटरसाइकल चालक रजौरा रहेनन्

    गएराति करिब पौने ९ बजेको समयमा सल्लाघारीस्थित ट्राफिक लाइट चोकमा दुर्घटनाग्रस्त मोटरसाइकलका चालकको ज्यान गएको...

    बिजुक्छेलाई भेट्न निवासमै पुगिन् सिडिओ शर्मा

    भक्तपुर जिल्लामा सरुवा भै कार्यभार सम्हालेकी नयाँ सिडिओ रूद्रादेवी शर्माले नेमकिपाका अध्यक्ष नारायणमान बिजुक्छेंसँग भेटवार्ता...

    नेपाली सेनाको ब्यवहार विरुद्ध खरिपाटीमा प्रदर्शन

    भक्तपुर । चाँगुनारायण नगरपालिका स्थित नेपाली सेनाको खरिपाटी तालिम केन्द्र हुँदै वडा नम्बर ५ जाने...

    प्रदिप तजको नेतृत्वमा अखिल(क्रान्तिकारी)को भक्तपुर जिल्ला समिति निर्वाचित

    नेकपा (माओवादी केन्द्र) को विद्यार्थी संगठन अखिल(क्रान्तिकारी)ले विद्यार्थी नेता प्रदिप तजको नेतृत्वमा भक्तपुर जिल्ला समिति...

    चाँगुनारायण नगरपालिका विश्वकै उत्कृष्ट १० मा परेको भ्रामक समाचारहरु असत्य सावित

    ‘विश्वकै उत्कृष्ट १० मा पर्‍यो चाँगुनारायण नगरपालिका’ शीर्षकमा समाचारहरु प्रकाशित भएपछि भक्तपुरको चाँगुनारायण नगरपालिका एकाएक...