News Portal

  • सल्लाघारीमा इन्टरनेटको लाइन जोड्ने क्रममा गयो युवकको ज्यान

    भक्तपुरपोस्ट संवाददाता भक्तपुर, ७ वैशाख, २०७८
    २१७० पटक
    भक्तपुर, ७ वैशाख, २०७८

    भक्तपुर नगरपालिका वडा नं. १ सल्लाघारी आकाशे पुल नजिक इन्टरनेटको लाइन जोड्ने क्रममा करेन्ट लागी एक युवकको ज्यान गएको छ । स्थानीय भरतलाल श्रेष्ठको ६ तले पक्की घरमा लाइन जोड्ने क्रममा एक्कासी करेन्ट लागि लड्दा उनको ज्यान गएको हो ।

    ज्यान गुमाउने युवक सिन्धुपाल्चोक ईन्द्रावती गाँउपालिका वडा नं. २ कुन्चोक घर भई हाल भक्तपुरको राधे राधे बस्ने २० वर्षीय संजीव भारती भएको महानगरीय प्रहरी परिसर भक्तपुरका डिएसपी दिपक गिरीले जानकारी दिए । मंगलवार दिउसो करिब पौने ३ बजे घरबाट लडेका उनलाई उपचारका लागी डा.ईवामुरा अस्पताल लगिएकोमा उपचारकै क्रममा करिब ४ बजे मृत्यु भएको डिएसपी गिरीले जनाएका छन् । अर्का कामदार सिन्धुली तीनपाटन गाँउपालिका वडा नं. १ घर भई हाल ठिमी बस्ने बर्ष ३२ को रोहित तामाङ सामान्य घाइते भएका छन् । घाइतेको इवामुरामा उपचार भैरहेको र उनी खतरामुक्त रहेको प्रहरीको भनाइ छ ।

    घटनास्थलमा महानगरीय प्रहरी वृत्त जगातीबाट इन्स्पेक्टर सूर्य बहादुर शाहीको कमाण्डमा अनुसन्धान अधिकृत सहितको प्रहरी टोली खटी गई प्रारम्भिक अनुसन्धान गरिएको बताइएको छ । प्रारम्भिक अनुसन्धानमा देखिए अनुसार पोलमा रहेका तामाङ सामान्य घाइते भएका र घरमा रहेका भारतीको ज्यान गएको छ । ६ तला पक्की घर माथीको रेलिङमा संजीव भारती गई केवल लाईनको तार समाती चेक गर्दा एक्कासी करेन्ट लाग्न गई ६ तला माथीबाट भुईमा खसी बज्रिन गई गम्भीर घाईते भएको र सल्लाघारी चोकमा रहेका प्रहरीले तत्कालै उनलाई उद्धार गरी अस्पताल पुर्याएपनि ज्यान बचाउन नसकिएको जगाती वृत्त प्रमुख राजेश थापाले बताए ।

    स्थानीय प्रत्यक्षदर्शीले भक्तपुर पोस्टलाई जानकारी गराए अनुसार केवल अपरेटर भारतीले लाइन जोड्न केबलको तार समाती तान्दा हाइटेन्सनको तारमा परेको र हाइभोल्टेजले तार जल्न गइ करेन्ट लागेको हो । करेन्ट लागेपछि उनी भुइमा बजारिएका थिए । भुइमा बजारिएका कारण उनको ज्यान गएको हो । पोलमा रहेका अर्का अपरेटर तामाङ्गलाई भने करेन्ट लागे पनि ज्यान जोगिएको छ । घटनास्थलमा २ मिनेटभित्रै प्रहरी आइ दुवै घाइतेलाइ उद्धार गरी अस्पताल लगेको प्रत्यक्षदर्शीले जानकारी गराए । दुर्घटनाबारे थप अनुसन्धान भैरहेको प्रहरीको भनाइ छ ।

    (घटनास्थलको तस्वीर दुर्घटनापछि लिइएको हो ।) सच्याइएको : डेटलाइनमा अन्यथा भएकोले सच्याइएको छ ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...