News Portal

  • युवा समाजसेवी बालाको उदाहरणीय कार्य : जन्मदिनको अवसरमा रक्तदान कार्यक्रम

    मदन ढुंगाना / भक्तपुर पोस्ट भक्तपुर, १० साउन २०७८
    ४०७ पटक
    भक्तपुर, १० साउन २०७८

    जन्मदिन मनाउने सबैका आफ्नै तरीका हुन्छन् तर कमै मानिसले मात्र समाजसेवा मार्फत आफ्नो जन्मदिन मनाउछन् । यस्तै उदाहरणीय कार्य गरेर आफ्नो जन्म दिन मनाएका छन् चाँगु ९ ताथलीका युवा नेता एवं समाजसेवी दिलकुमार बालाले ।  उनले रक्तदान गरेर मात्र नभई रक्तदान कार्यक्रम नै गरेर आफ्नो जन्मदिन मनाएका हुन् ।

    ताथली पार्टी भेन्युका संचालक समेत रहेका बालाले आइतवार पार्टी भेन्युमा आफ्नो जन्मदिनको अवसर पारेर रक्तदान कार्यक्रमको संयोजन गरेका थिए । सोही ताथली पार्टी भेन्यु, नेपाल रेडक्रस सोसाइटी र क्विक रेस्पोन्स सेन्टर चानपाको संयुुक्त आयोजनामा रक्तदान कार्यक्रम सम्पन्न भएको हो ।

    रगतकाे अभाव बढेपछि रक्तदान कार्यक्रम गरिएको आयोजकको भनाइ छ । रक्तदान नै जीवन दान भएकोले जन्मदिनको अवसरमा रक्तदान गर्न पाउदा आनन्द मिलेको कार्यक्रम संयोजक बालाले बताए ।

    कोभिडकाे दाेश्राे लहरका कारण रगतकाे अभाव बढेपछि रक्तदान कार्यक्रम गरिएको क्विक रेस्पोन्स सेन्टर चानपाकी सह संयोजक सेजल गेलालले बताइन। आफ्नो संस्था हरेक विपतको समयमा सामाजिक कार्यमा सक्रिय रहेको उनको भनाइ छ ।

    कार्यक्रममा विभिन्न क्षेत्रका युवा, विद्यार्थी, महिला र बुद्धिजिवीहरुको उपस्थिति रहेको थियो । उक्त अवसरमा दिल कुमार बाला,मदन ढुंगाना, रिता बाला,प्रकाश थापा,मनोज बाला,सुनिल नेह्मफुकी,अनिल नेह्मफुकी,हिमाल बस्नेत,रोचक श्रेष्ठ,सर्मिला खड्का, सुभंगा ढुंगाना,साजन नेह्मफुकी,सुभराज श्रेष्ठ,रितेश बाला, सुर्य खड्का लगायत २३ जनाले रक्तदान गरेका बताइएको छ ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...