News Portal

  • बस्नेतको अध्यक्षतामा बन्यो एकीकृत समाजवादीको भक्तपुर जिल्ला कमिटी

    भक्तपुरपोस्ट संवाददाता भक्तपुर, २६ भदौ
    १७६१ पटक
    भक्तपुर, २६ भदौ

    नेकपा (एमाले) विभाजन भई बनेको नेकपा (एकीकृत समाजवादी) पार्टीको भक्तपुर जिल्ला अध्यक्षमा युवा नेता श्यामसुन्दर बस्नेत चयन भएका छन् । बस्नेतको अध्यक्षतामा एकीकृत समाजवादीले ७७ सदस्यीय भक्तपुर जिल्ला संगठन कमिटी गठन गरेको हो ।

    विद्यार्थीबाट राजनीति शुरु गरेका बस्नेतले शुरुबाटै नेपाल समूहको बैचारिक धार बोकेका थिए । नेकपा (एमाले) भक्तपुरको प्रचार बिभाग प्रमुख समेत रहेका उनी माओवादी केन्द्र संग एकता पछि बनेको नेकपामा भने जिल्ला सदस्य मात्र रहेका थिए ।

    युवा नेता बस्नेत एमाले भित्रको अन्तर संघर्षको समयमा नेपाल -खनाल पक्षले बनाएको तत्कालिन समानान्तर कमिटीमा भक्तपुर जिल्लाको सचिव रहेका थिए । त्यतिबेला भक्तपुरको अध्यक्ष रहेका रजन केसीले पार्टी विभाजनपछि एमालेमै रहने निर्णय गरेपछि सचिव बस्नेतलाई अध्यक्ष बन्ने बाटो खुलेको बताइएको छ । यद्यपी, त्यतिबेला पनि केसी र बस्नेतबीच अध्यक्ष को बन्ने भन्ने विषयमा रस्साकस्सी रहेको थियो ।

    तत्कालिन समानान्तर कमिटीलाई नै पुनर्गठन गरी नेकपा (एकीकृत समाजवादी) ले भक्तपुरमा अध्यक्ष बस्नेतको नेतृत्वमा ७७ सदस्यीय जिल्ला कमिटी बनाएको हो । शनिवार ठिमीस्थित एक पार्टी प्यालेसमा आयोजित भेलामा एकीकृत सामजवादीले बस्नेतको नेतृत्वमा जिल्ला नेतृत्व टुंगो लगाएको पार्टी निकट पत्रकार संगठनका नेता दिनेश कार्कीले जानकारी दिए । उनले दिएको जानकारी अनुसार उपाध्यक्षमा पेमानन्द लाल श्रेष्ठ , सचिवमा पुरुषोत्तम लामिछाने, सहसचिवमा रामगोपाल चौगुठीलाई चयन गरिएको छ ।

    त्यसैगरी सदस्यहरुमा राजेन्द्र श्रेष्ठ, बिनोद केसी, ज्ञानेन्द्र थापा, बिष्णु कायस्थ, बासुदेव खड्का, शान्ति खड्का, नवराज काफ्ले, निराकार भारती, मोहन पौडेल, सुमन केसी, बलराम बमेगटि (मिजार), सन्जिब लामिछाने, रीता अवाल, एम बि दुमरु, नारायण बहादुर नायभा, सर्वज्ञरत्न बज्राचार्य, लक्ष्मी प्रसाद श्रेष्ठ, डा राजेन्द्र कोजु, न्हुछे प्रजापति, कृष्ण प्रसाद भेले, दिपकराज खत्री, केशब खत्री, बिष्णु गुमांजु, लोककृष्ण दाहाल, हेमन्त खड्का, राजेश सिंह देउजा, पृथ्बीराम सुवाल, दिलिप केसी, सरस्वती घिमिरे, कमल न्यौपाने, ध्रुब न्यौपाने, केपी अर्याल, निरब थापा, विकास कार्की , उत्तम परियार, दिपक थापा, खुमानन्द ज्ञवाली, चन्द्र बहादुर तामांग, सबिना खत्री, तेजकृष्ण श्रेष्ठ, राजन गोसाई, प्रदिप बस्नेत, केबी मगर, झपट भण्डारी, राजभाई जयना, श्याम श्रेष्ठ, बिष्णु सुबेदी, पुन्यरत्न रंजित, पूर्णहरि श्रेष्ठ, अमर पौडेल, लक्ष्मी श्रेष्ठ, चन्द्र नारायण श्रेष्ठ, देवराज न्यौपाने, श्याम चौलागाई,माधब ज्ञवाली,दिनेश कार्की, लालबहादुर रोकाया, माधब ढकाल, शुशिला श्रेष्ठ, चित्र बहादुर अछामी, कविता चापागाईं, निर्माण पोखरेल, गोपीकृष्ण लामिछाने ,तर्कबहादुर शाही, नबिन प्रकाश श्रेष्ठ, दिलिप बस्नेत, गोविन्द न्यौपाने, राम बहादुर कार्की, छन्दविज्ञान निरौला, कृष्ण भक्त पा श्रेष्ठ र रचना लाखेमरु रहेका छन् । अन्य पदाधिकारी र सचिवालय सदस्य भने जिल्ला कमिटीको बैठकले निर्णय गर्ने बताइएको छ ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...