News Portal

  • भक्तपुर सिडिओमा घनश्याम उपाध्यायको सम्भावना, पछिपछि भट्टराई

    भक्तपुरपोस्ट संवाददाता भक्तपुर, २८ भदौ २०७८
    ५४७ पटक
    भक्तपुर, २८ भदौ २०७८

    भक्तपुर जिल्लाको प्रमुख जिल्ला अधिकारी(सिडिओ) परिवर्तनको समय आएसंगै भावी सिडिओमा दुई सहसचिवको नाम चर्चामा आएको छ । सिडिओ प्रेमप्रसाद भट्टराईको सरुवाको चर्चा संगै भक्तपुरको सिडिओमा महोत्तरीका सिडिओ तीर्थराज भट्टराई र गृह मन्त्रालयका सहसचिव घनश्याम उपाध्यायको नाम चर्चामा रहेको हो ।

    गृह मन्त्रालयले केहि समयदेखि नै ठुलो संख्यामा सिडिओको सरुवा गर्ने कसरत गरेपनि हालसम्म काठमाडौंसहित ४ जिल्लाको सिडिओ मात्र हेरफेर गर्न सकेको छ । सिडिओ परिवर्तनको समय भएकाले बहालवाला सिडिओहरु खुट्टा उचालेर बसेकाले समयमै सरुवा नहुँदा दीर्घकालीन महत्वका कामकाज हुन सकेका छैनन् । भक्तपुरका सिडिओ प्रेमप्रसाद भट्टराई सरुवा भै सम्पत्ती शुद्धिकरण अनुसन्धान बिभाग जाने हल्ला चल्दा उनी निकट केही ठेकेदार जनप्रतिनिधि र व्यवसायीले १ महिना अघि नै उनको सरुवा भोज समेत चलाइसकेका छन् । तर, त्यही कारण गृह मन्त्रालयमा उनको आलोचना समेत भएको बुझिएको छ ।

    यता, भक्तपुर सिडिओ हुन पनि सहसचिवहरुको हानाथाप भएको भक्तपुर पोस्ट श्रोतले जनाएको छ । उपत्यका भित्रको सानो जिल्ला र प्राकृतिक तथा सास्कृतिक सम्पदाले भरिपूर्ण भएकोले भक्तपुरको सिडिओ हुन उपत्यका बाहिरका सिडिओहरु समेत लालाहित हुने गरेका थाहा भएको छ । धेरैजनाले भक्तपुरको सिडिओ बन्न माग गरेपनि महोत्तरीका सिडिओ तीर्थराज भट्टराईको भक्तपुर सरुवा हुने सम्भावना रहेको श्रोतले जनाएको छ ।

    पछिल्लो समय भट्टराईलाई समेत पछि पार्दै गृह मन्त्रालयकै सहसचिव घनश्याम उपाध्याय भक्तपुर सिडिओ भएर आउने सम्भावना बलियो बनेको गृह मन्त्रीको सचिवालय श्रोतले जनाएको छ । गृह मन्त्रालयको आन्तरिक व्यवस्थापन महाशाखा प्रमुखको रुपमा रहेका दैलेखका उपाध्यायलाई गृह मन्त्री बालकृष्ण खाँड र गृह सचिव टेकनारायण पाण्डे दुबैले रुचाएका बताइएको छ । सहसचिव उपाध्याय यस अघि गृहको कर्मचारी प्रशासन महाशाखाकै प्रमुख समेत रहेका थिए । अहिले उनले ललितपुर मागिरहेको भएतापनि भक्तपुर सरुवा गर्ने तयारी गरिएको श्रोतले जानकारी गराएको छ ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...