नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात् पोखरी मिलाएर नामांकरण भएको ‘येँकिँ दह’ लाई इन्द्रदहको नामले चिनिन्छ । भाद्र शुक्ल चतुर्दशी (इन्द्रजात्रा) का दिन बेलुकी इन्द्रदहमा गई बत्ती बालेर बसेका भक्तजनले भोलिपल्ट बिहानै इन्द्रदहमा स्नान गर्ने प्रचलन छ । भनिन्छ – सत्य युगमा इन्द्रकी आमाले नेपालमा स्वच्छ हावा , प्रयाप्त वर्षा , एवं खेतीपाती योज्य कुहिरोको प्रवन्ध गरिदिने बाचा गरेपछि फूल चोरेको आरोपमा बाँधिएका देवराज इन्द्रलाई छाड्न गाडिएको किल्ला उखेल्दा खाल्डो भएको ठाँउ दह बनेको आख्यान छ। काठमाडौँ बाट ७ किमिको दुरीमा अवस्थीत यो स्थान समुद्र सतहबाट १८८१ मिटर उचाइमा छ । यो डाँडालाइ ‘स्वर्ग स्वपान’ अर्थात् स्वर्ग जाने भर्याङका रुपमा समेत वर्णन गरिएको छ ।                                                                                                                                              चतुर्दशीका दिन दिउँसो हनुमानढोकामा इन्द्रजात्रा हेरेर बेलुकी इन्द्रदहमा पुगी वर्षा र सहकालका देवताका रूपमा पूजिने इन्द्रका नाममा बत्ती बाल्ने गरिन्छ। चन्द्रागिरि नगरस्थित यस स्थलमा बत्ती बालेर स्नान गरेमा पाप पखालिई पुण्य कमाइने धार्मिक जनविश्वास छ।