News Portal

  • लोग्नेस्वास्नी नै लागू औषध कारोबारी, पाँच तहसम्मका कारोबारी पक्राउ गरिएको प्रहरीको दावी

    मदन ढुंगाना/ भक्तपुर पोस्ट भक्तपुर, ७ असोज २०७८
    ५४९ पटक
    भक्तपुर, ७ असोज २०७८

    भक्तपुर प्रहरी लागू औषधको पाँच तहसम्मका कारोबारी पक्राउ गर्न सफल भएको छ । करिब २ महिनाको मिहेनतपछि प्रहरीले उक्त सफलता प्राप्त गरेको हो ।

    गत साउन १७ गते भक्तपुर नगरपालिका वडा नं. ५ क्वाछेँमा शंकास्पद गतिबिधि गर्ने राजेश शाहीले चलाई ल्याएको बागमती प्रदेश ०२-०१६ प ०१२६ नम्बरको मोटरसाईकललाई चेक जाँच गर्दा लागू औषध फेला पारेको प्रहरीले जनाएको छ । मोटरसाईकल पछाडी सवार सरिता शाहीले बोकेको प्लाष्टिकको झोला भित्र निलो रङको ३ वटा प्लाष्टिकको पोकामा २८५ एम्पुल लागू औषध फेला पारेपछि भक्तपुर ६ भोलाछे बस्ने बर्ष २१ को मोटरसाइक चालक राजेश शाही उनको श्रीमती बर्ष १९ की सरिता शाहीलाई नियन्त्रणमा लिएर प्रहरीले अनुसन्धान शुरु गरेको थियो ।

    अनुसन्धानको क्रममा एकपछि अर्को कारोबारी समात्ने क्रममा पाँचौ तह सम्मका कारोबारी समात्न सफल भएको महानगरीय प्रहरी परिसर भक्तपुरका सूचना अधिकारी एवम् डिएसपी दिपक गिरीले जानकारी दिए ।

    डिएसपी गिरीका अनुसार थप अनुसन्धान गर्दै जादा राजेश शाहीले केशब क्षेत्रीबाट खरिद गरेको खुल्न आएको र साउन १७ गते नै साँझ सूर्यविनायकबाट उनलाई नियन्त्रणमा लिइएको बताइएको छ । उनले बोकेको झोला खानतलासी गर्दा २४३ एम्पुल लागू औषध समेत बरामद भएको प्रहरीको भनाइ छ ।

    एवं रितले उपत्यकामा लागू औषध बेचबिखन गर्ने राम विश्वास रायलाई साउन २० गते पक्राउ गरिएको र राम विश्वास राय लगायत उपत्यकामा लागू औषध ल्याई खरिद विक्री गर्ने अन्य मानिसहरुको समेत खोजतलास गर्दै जाँदा सर्लाही घर भएका अलि महमम्द भन्ने मोहमद शेष इन्ताज समेत भदौं २२ गते पक्राउ परेका छन् । शेख इन्ताजले राम विश्वास राय यादव र रविन देउला लगायतलाई विक्री वितरण गर्ने गरेको खुल्न आएको प्रहरीले जनाएको छ । रविन देउलालाई प्रहरीले भदौं २९ गते पक्राउ गरेको थियो ।

    यसरी, लागू औषध मुद्दामा पाँच तह सम्मको लागू औषध खरिद तथा बेचबिखन गर्ने कसुरदारहरु स-प्रमाण नियन्त्रणमा लिईएको भक्तपुर प्रहरीले पुष्टि गरेको छ ।

    छोटो समयमा धेरै पैसा कमाउने उदेश्यले उनीहरु लागू औषध खरिद तथा बेचबिखन गर्ने अपराधमा लागेका अनुसन्धानबाट देखिएको डिएसपी दिपक गिरीले जानकारी गराए । यसबारे थप अनुसन्धान कार्य भईरहेको उनको भनाइ छ ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...