News Portal

  • चारैवटा नगरको नेतृत्व चयनका लागि भक्तपुरमा कांग्रेसका दुई पक्ष भिड्दै, आइतबार नै छिनोफानो

    भक्तपुरपोस्ट संवाददाताभक्तपुर, ९ असोज २०७८
    ८७८ पटक
    भक्तपुर, ९ असोज २०७८

    नेपाली कांग्रेसको  नगर अधिवेशनमा नेतृत्व चयनका लागि भक्तपुरमा चुनावी भिडन्त हुने भएको छ । चारैवटा नगरपालिकामा दुई पक्षले प्यानल पेश गरेपछि आइतवार चुनाव हुने भएको हो ।

    नगर अधिवेशनमा जिल्ला सभापति दुर्लभ थापा पक्षको विरुद्ध  नेताहरू  गणेशमान चक्रधर, अष्ट कवे, महेश श्रेष्ठको समूहले मोर्चाबन्दी गरेको छ । यो समूहमा कविर राणा, विनोद कायष्ठ, बाबुराजा जोशी, राजनकाजी त्वाटी, विजेश अवाल, धर्मराज थापालगायतको समूह पनि समाहित भएका छन ।  जिल्ला सभापति दुर्लभ थापाको समूहमा भने बागमति प्रदेशसभा सदस्य कृष्णलाल भँडेल, दयामान कर्माचार्य, विगतमा चक्रधर समूहमा रहेका शिवहरी केसी, गत १३ औं महाधिवेशनमा महेश श्रेष्ठको समूह छाडेका राजाराम खड्कालगायतका नेताहरु देखिएका छन् ।

     सूर्यविनायक नगर सभापतिमा थापा पक्षबाट  जिल्ला सचिव रहेका हेभिवेट उम्मेदवार  निशान ढुंगेल आफै मैदानमा उत्रेका छन् । अर्को प्यानलबाट नगरको पार्टी उपसभापति रहेका  युवा नेता  रवी राणाले ढुङेललाई चुनौती दिएका छन ।

    मध्यपुर थिमिको नगर सभापतिमा वर्तमान सभापति सुरेन्द्र श्रेष्ठ र हरिदास प्रजापतिबीच भिडन्त हुने भएको छ । प्रजापतिले चक्रधर, कवे र श्रेष्ठको संयुक्त समूहबाट र श्रेष्ठले जिल्ला सभापति दुर्लभ थापाको समूहबाट सभापतिमा उम्मेदवारी दिएपछि यी दुई नेताहरुबीच पुनः प्रतिष्पर्धा हुन लागेको हो ।

    चाँगुनारायण नगरपालिकामा नगर सभापति उम्मेदवार शिवहरी केसी र गोपाल पौडेल समूहको विच निर्वाचन हुने भएको छ । नेता चक्रधरको साथ छोडेका केसी थापा समूहबाट उम्मेदवार बन्न सफल भएका हुन् । चक्रधर-कवे र श्रेष्ठ समूहमा पौडेल परेका छन्  ।
    भक्तपुर नगरपालिकामा थापा समूहबाट वर्तमान नगर सभापति राम कासुला फेरिपनि सभापतिको उम्मेदवार बनेका छन । उनको प्रतिस्पर्धामा अर्को समूह बाट राजेन्द्र तमखुले आफ्नो प्यानल पेश गरेका छन् ।

    नेतृत्व चयनका लागि भोलि असोज १० गते आइतवार नव निर्वाचित वडा सभापति र क्षेत्रीय प्रतिनिधिहरुले बिहान ८ बजेदेखी १२ बजेसम्म मतदान गर्ने कार्यतालिका रहेको बताइएको छ ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...