News Portal

  • नेमकिपाले काक्रो चोरेर खाने, बियाँचाहिँ अर्काको गालामा टाँसिदिने सांसद बस्नेतको आरोप

    भक्तपुरपोस्ट संवाददाता भक्तपुर, १५ असोज २०७८
    २०३९ पटक
    भक्तपुर, १५ असोज २०७८

    पूर्व उद्योग मन्त्री समेत रहेका नेकपा (एमाले) का नेता एवं संघीय सांसद महेश बस्नेतले नेपाल मजदुर किसान पार्टी माथि कडा टिप्पणी गरेका छन् । नेमकिपाले आफूले काक्रो चोरेर खाने तर, वियाँ चाहिँ अर्कोको गालामा टाँसिदिने गरेको उनले आरोप लगाएका हुन् ।

    नेमकिपाले नेतृत्व गरिरहेको भक्तपुर नगरपालिकाले उपभोक्ता समितिमार्फत ३० देखि ५० प्रतिशतसम्म घोटला गर्ने गरेको जिकिर गर्दै सांसद बस्नेतले उल्टै अरुले टेन्डरबाट कमिसन खाने हल्ला पिटाइएको र सोकुरा जनतालाई बुझाउन जरुरी रहेको बताए ।

    नगरपालिकाको उपभोक्ता समिति भनेको नगरपालिकाको गलत प्रवृत्तीलाई ढाकछोप गर्ने संयन्त्र भएको उनको भनाइ छ । शुक्रवार नगरपालिकाद्वारा संचालित देको मिवा इतापाके जग्गा एकिकरण आयोजना पीडित संघर्ष समितिबाट ज्ञापनपत्र बुझ्दै सांसद बस्नेतले सोकुरा बताएका हुन् ।

    आयोजनाबाट पीडित भएको भन्दै संघर्ष समितिले सांसद बस्नेतलाई आफूहरुको मुद्धा राष्ट्रव्यापी रुपमा अगाडी बढाईदिन आग्रह समेत गरेका उनका प्रेस सहयोगी बिरेन चम्लागाईले बताए ।

    उक्त अवसरमा सांसद बस्नेतले संघर्ष समितिलाई आफू र आफ्नो पार्टीको सदैव साथ् र सहयोग रहने आश्वासन समेत दिएका बताइएको छ । २०६९ सालमा स्थानीयको जग्गा रोक्का गरी शुरु गरिएको आयोजनाभित्र १ हजार ६ सय ५३ रोपनी जग्गा रहेको छ । पछिल्लो समय केही जग्गाधनीहरू आयोजनाप्रति असन्तुष्ट रहँदै आन्दोलित भएका छन् ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...