News Portal

  • चाँगुमा पत्रकार : काँग्रेस उपसभापतिमा दुलाल असफल, एमाले उपाध्यक्षमा बास्तोला निर्विरोध

    भक्तपुरपोस्ट संवाददाता भक्तपुर, ११ कात्तिक २०७८
    ३५५ पटक
    yaya ram bastola sanjeev dulalभक्तपुर, ११ कात्तिक २०७८

    भक्तपुरमा राजनीतिक दलको नेतृत्व तहमै पत्रकारहरुको प्रभाव देखिएको छ । सत्तारुढ दल नेपाली काँग्रेस र प्रमुख प्रतिपक्षी दल नेकपा(एमाले) दुवैमा पत्रकारहरुले पार्टी राजनीतिमा आफ्नो प्रभाव देखाएका हुन् ।

    बुधवार सम्पन्न नेकपा(एमाले)को चाँगुनारायण नगर अधिवेशनमा पत्रकार जयराम बास्तोला नगर कमिटीको उपाध्यक्षमा निर्विरोध निर्वाचित भएका छन् । उनी लामो समय पत्रकारितामा क्रियाशील रहेका थिए । नेपाल पत्रकार महासंघ भक्तपुरको निवर्तमान कार्यसमिति सदस्य समेत रहेका बास्तोला नेपाल टेलिभिजनका भक्तपुर संवाददाता समेत हुन् ।

    पार्टीको नगर सचिवमा दावेदारी गरिरहेका बास्तोला बुधवार उपाध्यक्षमा भने निर्विरोध निर्वाचित भएका पत्रकार हेमराज ढकालले जनाएका छन । सचिवमा भने सुवास ढुंगानाले निरन्तरता पाएका छन् । नगर अधिवेशनले रामप्रसाद तिमल्सिनाको अध्यक्षतामा पचहत्तर सदस्यीय चाँगुनारायण नगर कमिटी सर्वसम्मत निर्वाचित गरेको पार्टीका केन्द्रीय सदस्य एवं भक्तपुर जिल्ला इन्चार्ज सोमप्रसाद मिश्रले बताए ।

    चाँगुकै पार्टी राजनीतिमा प्रवेश गरेका अर्का पत्रकार संजीव दुलाल भने नेतृत्वमा पुग्न असफल भएका थिए । नेपाली काँग्रेसको महाधिवेशन अन्तर्गत चाँगु नगर अधिवेशनमा उनी उप सभापति पदमा पराजित हुन पुगेपछि नेतृत्वमा पुग्न सकेनन । २ प्यानलको प्रतिष्पर्धामा दुलालले जिल्ला सभापति दुर्लभ थापा इत्तर पक्षबाट उपसभापतिमा उम्मेद्वारी दिएका थिए ।

    दुलाल नेपाल पत्रकार महासंघ भक्तपुरका वर्तमान कार्यसमिति सदस्य एवं संवाहक डटकमका सम्पादक हुन् ।

    नेपाल पत्रकार महासंघले पत्रकारहरुलाई कुनै पनि राजनीतिक दलको सक्रिय पदमा नबस्न निर्देशन दिंदै आएको छ । राजनीतिमा सक्रिय पत्रकारहरुले भने राजनीतिले पेशालाई प्रभाव नपार्ने जिकिर गर्दै आएका छन् ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...