News Portal

  • बिस्का जात्रा बेलुकीबाट शुरु हुँदै, सद्भाव र्याली सम्पन्न

    भक्तपुरपोस्ट संवाददाता भक्तपुर, २७ चैत २०७८
    ६१३ पटक
    bisketभक्तपुर, २७ चैत २०७८

    भक्तपुरको प्रसिद्ध ऐतिहासिक एवम् सांस्कृतिक बिस्केट (बिस्का जात्रा) आज आइतवार बेलुकीबाट शुरु हुँदैछ । प्यागोडाशैलीमा काठैकाठले बनाइएको तीनतले भैरवनाथको रथलाई पाँचतले मन्दिरबाट आफ्नो टोलमा तानेर लैजाने परम्परा रही आएको छ । जात्राको मुख्य आकर्षण भनेको नै रथलाई दुई समूहले एकापसमा तानातान गर्नु हो । भैरवनाथ विराजमान रथलाई थने (माथिल्लो) र क्वने (तल्लो) टोलका मानिसहरुले दुइतिरबाट तानातान गरी आफ्नो टोलमा लैजान बल गर्ने गर्दछन र त्यही हेर्न जात्रालुहरुको घुइचो हुने गर्दछ । त्यसका अलावा ल्योसिं उभ्याइने र ढाल्ने यसको अर्को आकर्षण हो । ल्योसिं उभ्याएको ठाउँमा बली दिने र पूजा गर्ने प्रचलन रही आएको छ ।

    जात्रालाई दुर्घटनारहित बनाउनु चुनौतीपूर्ण :
    बिस्केट जात्रामा दुर्घटना प्राय दुई प्रकारले हुने गर्दछ । पहिलो कारण रथ तानातान गर्ने दुई टोलका समूहबीच बिबाद भई झडपको अवस्था सिर्जना हुने सोहीकारण मानिसहरु घाइते हुने र ज्यानै पनि जाने खतरा रहन्छ । दोश्रो रथ भाचिएर जात्रालुलाई किच्दा मानिसहरु घाइते हुने र ज्यान जाने खतरा रहन्छ । गत वर्षको बिस्केटमा २४ जना घाइते भएकामा १८ जना सख्त घाइते भएका थिए । घाइतेमध्ये केहीको अवस्था अझैसम्म पनि चिन्ताजनक नै रहेको समाजसेवी एवं उद्धारक अरुण सैजूले बताएका छन् । यद्यपी विगतका वर्षमा जस्तो गत वर्षको बिस्कामा कसैले ज्यान भने गुमाउनु परेन ।

    नगरपालिकाद्वारा सद्भाव र्याली सम्पन्न
    जात्रालाई शान्तिपूर्ण, मर्यादित र सुरक्षित ढंगले मनाउन आइतवार बिहान सद्भाव र्याली समेत सम्पन्न गरिएको छ । भक्तपुर नगरपालिकाको आयोजनामा गरिएको र्याली दुधपाटीबाट शुरु भई टौमढि पुगी सभामा परिणत भएको थियो । जात्राको समयमा हुने उच्छृंखल गतिविधि हुन नदिन सचेतना जगाउने उदेश्यले सद्भाव र्याली गरिएको भक्तपुर नगरपालिकाका प्रमुख सुनिल प्रजापतिले बताए । प्रमुख प्रजापतिका अनुसार जात्रा व्यवस्थापन समितिलाई सहयोग गर्न जनप्रतिनिधि सम्मिलित जात्रा सहयोग समिति समेत बनाइएको छ । जात्रालाई मर्यादित,सभ्य र भब्यरुपमा मनाउन नगरपालिकाको तर्फबाट कुनै कसर बाँकी नराखेको उनको दावी छ ।

    पन्ध्र सय सुरक्षाकर्मी परिचालन

    जात्रामा शान्ति सुरक्षा कायम गर्न पन्ध्र सय बढी प्रहरी परिचालनको तयारी गरिएको छ । नेपाल प्रहरी, सशस्त्र प्रहरी र अनुसन्धानका कर्मचारी सहित पन्ध्र सय बढी सुरक्षाकर्मी जात्रामा परिचालित हुने भक्तपुर सिडिओ रुद्रादेवी शर्माले जानकारी दिएकी छन् । सिडिओ शर्माका अनुसार ठाउँठाउँमा सिसि क्यामेरा जडान गरीएको छ र त्यसको आधारमा उच्छृंखल गतिविधि गर्नेलाई जात्रापछि पनि कारवाहीको दायरामा ल्याइन्छ । ”कसैले देखेको छैन भनेर उच्छृंखल एवं हुलहुज्जत गर्ने गतिविधि गर्ने छुट कसैलाई छैन, हामी जात्रा पछि पनि फ़ुटेजका आधारमा कारवाही गर्छौं । ” उनले भनिन् ।

    सामूहिक सहकार्यमा जोड
    भक्तपुरका सांसद प्रेम सुवालले बिस्का जात्रा भक्तपुरको सम्पती भएको भन्दै यसलाई सभ्य र भब्य बनाउन सबैले सहकार्य गर्नुपर्नेमा जोड दिएका छन् । स्थानीय जनता, संघसस्था र जनप्रतिनिधि र प्रहरी प्रशासन सबैको सहकार्यमा उनले जोड दिएका हुन् । जात्रालाई सफल बनाउन सरोकारवाला सबैले आआफ्नो ठाउँबाट भूमिका खेल्नुपर्दछ ।” उनले भने । विश्वमै भक्तपुरको बिस्का जात्राको विशेष महत्व भएको हुँदा बिस्का हेर्न आउने सबैलाई जात्रा सभ्य, भव्य र सुरक्षित हुनुपर्ने उनको भनाइ छ ।

    कार्यतालिका अनुसार रथ तानिने, अनधिकृत मानिस नराखिने
    गुठी संस्थान भक्तपुरको कार्यालय प्रमुख खिमा वलीले बिस्का जात्रा कार्यतालिका अनुसार संचालन गरिने जानकारी दिएकी छन् । आठ दिन नौ रात सम्म मनाइने बिस्का जात्रा बारे कार्यालयले कार्य तालिका बनाएको उनले बताइन । रथमा अनधिकृत व्यक्तिहरु सवार हुन नदिन कडाइ गरिने उनको भनाइ छ ।

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...