News Portal

  • बन्दीपुर गाउँपालिकाका जनप्रतिनिधि भक्तपुर नगरपालिकामा

    भक्तपुरपोष्ट संवाददाता भक्तपुर,२९ असार २०७९
    ३४० पटक
    भक्तपुर,२९ असार २०७९

    भक्तपुर नगरपालिकाका प्रमुख सुनिल प्रजापतिसँग तनहुँ जिल्लाको बन्दीपुर गाउँपालिकाका जनप्रतिनिधिले असार २८ गते नगरपालिकाको सभाकक्षमा भेटवार्ता गरेका थिए । नगर प्रमुख प्रजापतिले बन्दीपुर गाउँपालिकाका अध्यक्ष सुरेन्द्रबहादुर थापाको नेतृत्वमा आएको उक्त टोलीलाई स्वागत गर्दै भक्तपुर नगरपालिकाको संक्षिप्त परिचयबारे जानकारी दिएका छन्।

    प्रमुख प्रजापतिले उत्पादनका मुख्य साधनहरु सामाजिकीकरण, शिक्षा र स्वास्थ्य उपचारजस्ता जनताका आधारभूत आवश्यकताका विषयहरु निःशुल्क, रोजगारीको सुनिश्चितता र आार्थिक समानता हुने राजनैतिक व्यवस्था नै समाजवादी व्यवस्था भएको उल्लेख गरेका छन्। भक्तपुर नगरपालिकाले आफ्ना नीति, योजना र कार्यक्रमहरु समाजवादी व्यवस्थाअनुरुप बनाउने प्रयत्न गर्दै आएको बताएका छन्।
    उनले शिक्षा क्षेत्रमा भक्तपुर नगरपालिकाद्वारा सञ्चालित सातवटा शैक्षिक संस्थाहरूमा हाल ७२ जिल्लाका ७ हजारभन्दा धेरै विद्यार्थीहरु अध्ययनरत रहेका र नपाले रु. ५ लाखसम्म शैक्षिक ऋण प्रदान गर्नुका साथै भूगोल, इतिहास, संस्कृति, राजनीतिशास्त्र र नेपालभाषामा उच्च शिक्षा हासिल गर्ने पी. एच. डी. सम्मका विद्यार्थीहरुलाई पूर्ण छात्रवृत्तिको व्यवस्था समेत गरेको बताए ।

    जर्मन सरकार र नेपाल सरकारबीच भक्तपुरको १० वटा सम्पदा पुनः निर्माणको लागि रु. १ अर्ब २० करोड (१ करोड युरो) अनुदान सम्झौता भएकोमा सम्झौतामा उल्लेखित शर्तहरु जनताको स्वाभिमानमा आँच पुग्ने देखेर त्यो रकम भक्तपुर नगरपालिकाले अस्वीकार गरेको उनले बताएका छन्। विदेशीको सहयोग विना भक्तपुरका जनताको साथ र सहयोगबाट २०७२ सालको भूकम्पले क्षति पु¥याएका १२४ वटा सम्पदाहरु पुनःनिर्माण र जिर्णोद्धार सम्पन्न गरिसकेको र दर्जनौं सम्पदाहरु पुनः निर्माणको क्रममा रहेको बताएका छन् ।

    सोही क्रममा बन्दीपुर गा.पा.का अध्यक्ष सुरेन्द्रबहादुर थापाले बन्दीपुर गाउँपालिका गण्डकी प्रदेश तनहुँ जिल्लामा पर्यटकीय महत्व बोकेको, १०२ वर्ग कि.मि. क्षेत्रफलमा फैलिएको सानो तर विविधताले सजिएको सुन्दर गाउँपालिका भएको बताएका छन्। भक्तपुर र बन्दीपुर एक अर्काका परिपूरक सहर भएको बताए।

    भक्तपुर र बन्दीपुरका कला, संस्कृति एक अर्कामा मिल्दाजुल्दा रहेको बताए। अध्यक्ष थापाले भक्तपुरबाट सिक्दै बन्दीपुर गा.पालाई सांस्कृतिक संरक्षित सहरको रुपमा विकास गर्ने उद्देश्य रहेको र बन्दीपुरका मुख्य मुख्य सडकहरुमा सवारीसाधन निषेध गर्दै ढुंगा छपाईको कार्यलाई जोड दिँदै आएको बताएका छन् ।

    भक्तपुर नपाले शिक्षा, स्वास्थ्य, सम्पदा पुनःनिर्माण तथा फोहरमैला व्यवस्थापनका क्षेत्रहरुमा गरिरहेको काम देशकै लागि उदाहरणीय भएको र उनले भक्तपुरको विकासबाट आफूहरुलाई निकै ऊर्जा र प्रेरणा मिलेको र बन्दीपुरलाई पनि भक्तपुरजस्तै सुन्दर सहरको रुपमा विकास गर्ने लक्ष्य रहेको बताए ।

    भेटमा भक्तपुर नपा वडा नं. ९ का वडाध्यक्ष रबिन्द्र ज्याख्व, वडा नं. ७ का वडाध्यक्ष उकेश कवां, वडा नं. ५ का वडाध्यक्ष योगेन्द्रमान बिजुक्छेँ, वडा नं. २ का वडाध्यक्ष हरिप्रसाद बासुकला र वडा नं. १ का वडाध्यक्ष श्यमकृष्ण खत्री तथा भक्तपुर नपाका कार्यपालिका सदस्यहरु रोशनमैंया सुवाल, छोरीमैंया सुजखू र कृष्णप्यारी भुजुको उपस्थिति रहेको थियो भने बन्दीपुर गा.पा.का उपप्रमुख पञ्चमाया गुरुङ, वैशबहादुर गुरुङ, अमिर गुरुङ र रामकृष्ण पिया, भक्तपुर नपाका प्रमुख प्रशासकीय अधिकृत कृष्ण गिरी र प्रशासकीय अधिकृत दामोदर सुवाललगायतको उपस्थिति रहेको थियो ।

    प्रतिकृया दिनुहोस्

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...

    संविधानको रक्षा नै वर्तमान सरकारको प्रमुख उपलब्धी

    durlabh thapa

    पूर्व उपप्रधानमन्त्रीसमेत रहेका नेपाली काँग्रेसका नेता प्रकाशमान सिंहले वर्तमान सरकारले संविधानको रक्षा गरेको दावी गरेका...

    आतंक सिर्जना गर्ने समूह नसमातिएको विरोधमा प्रदर्शन

    pradarsan

    नेकपा(एकीकृत समाजवादी) का भक्तपुर जिल्ला अध्यक्ष श्याम सुन्दर बस्नेतको घरमा पुगी परिवारलाई आतंकित पार्ने समूह...

    प्रेस सेन्टरको उपत्यका प्रदेश महासचिवमा रोजिना थापा

    rojina

    नेकपा(माओवादी केन्द्र) को शुभेच्छुक पत्रकार संगठन प्रेस सेन्टर नेपालले आफ्नो उपत्यका प्रदेशको महासचिवमा रोजिना थापालाई...