News Portal

  • सहकारीका अध्यक्षले नै व्यवस्थापकलाई फसाउन डिकीमा पेस्तोल राखेपछि

    भक्तपुरपोस्ट संवाददाता भक्तपुर, ३ साउन २०७९
    २८० पटक
    भक्तपुर, ३ साउन २०७९

    ललितपुरमा एक सहकारीका अध्यक्षले आफ्ना व्यवस्थापकलाई फसाउन स्कुटरको डिकीमा पेस्तोल राखेको खुलेको छ । गत असार १३ गते स्कुटरको डिकीबाट पेस्तोलसहित व्यवस्थापक पक्राउ परेपछि प्रहरी अनुसन्धानमा उक्त तथ्य खुलेको हो ।

    गत असार १३ गते दिउँसो साढे २ बजे लुभुस्थित सहयोगी बहुउद्देश्यीय सहकारी संस्थामा कार्यरत म्यानेजर श्यामकृष्ण श्रेष्ठ चढ्ने प्रदेश ३–०२–०१२ प ६२४१ नम्बरको स्कुटरको डिकीबाट २ राउण्ड गोलीसहितको पेस्तोल बरामद भएको थियो। पेस्तोलसहित प्रहरीले श्यामकृष्णलाई पक्राउ गरेको थियो।

    तर प्रहरीले अनुसन्धान गर्दै जाँदा अर्कै तथ्य फेला पा¥यो। प्रहरीले म्यानेजरलाई फसाउन खोजेको भन्दै सहकारीका वर्तमान अध्यक्ष अनिल श्रेष्ठ र निवर्तमान उपाध्यक्ष अख्खनदास श्रेष्ठलाई पक्राउ गरेको छ । श्यामकृष्ण श्रेष्ठलाई भने हाजिर जमानीमा छाडिएको प्रहरीले जनाएको छ ।

    श्यामकृष्ण श्रेष्ठ पक्राउ परेको मिति असार १३ गतेभन्दा पहिले पनि अनिल श्रेष्ठले जिल्ला प्रहरी परिसर ललितपुरमा कार्यरत प्रहरीलाई फोन गरी श्यामकृष्ण श्रेष्ठ चढ्ने स्कुटरमा पेस्तोल र गोली छ भनि सूचना दिएका थिए। त्यतिबेला प्रहरी परिचालन गरिएकोमा उक्त नम्बरको स्कुटर ललितपुर प्रहरी टोलीले फेला पारेको थिएन।

    गत जेठ २५ गते अनिल श्रेष्ठ उक्त सहकारीमा गए र आफैं सहकारी कार्यालयको पार्किङ एरियामा गई श्यामकृष्ण चढ्ने स्कुटरबाट उक्त हतियार निकाले। अनिलको यो क्रियाकलाप सोही सहकारीमा जडित सीसीटीभीमा देखियो।

    त्यसपछि असार १३ गते सहकारीको काममा श्यामकृष्ण श्रेष्ठ प्रदेश ३–०२–०१२प ६२४१ नम्बरको स्कुटर चढी लगनखेलस्थित मालपोत कार्यालयमा जान भनि हिडे। अनिल श्रेष्ठले भने प्रहरीलाई फोन गरी श्यामकृष्ण श्रेष्ठको स्कुटरमा हतियार छ भनी सूचना दिए। अनिल आफैंले श्यामकृष्णको पिछा गरी प्रहरीलाई २५ पटक कल गरी श्यामकृष्णको लोकेशन जानकारी गराई लगातार अवैध हतियारको सूचना दिएको प्रहरीले जनाएको छ।

    श्यामकृष्णले चढ्ने स्कुटर सहयोगी बहुउद्देश्यीय सहकारी संस्थाको थियो। परिसरका प्रवक्ता प्रहरी उपरीक्षक सिद्धिविक्रम शाहका अनुसार सो स्कुटरको दुइटा चाबी छ । उक्त स्कुटर एक वर्षदेखि श्यामकृष्णले चढ्दै आएको भए पनि उक्त स्कुटरको अर्को साँचो पूर्व उपाध्यक्ष अख्खनदास श्रेष्ठसँग हुन्थ्यो। अख्खनले करिब २५ दिन अगाडि साँचो अध्यक्ष अनिललाई दिइसकेको बताएको हुँदा अनिलले जुनसुकै बेला स्कुटरको डिकी खोली हतियार राख्न अवस्था विद्ममान रहेको प्रहरीको भनाइ छ।

    अनुसन्धान गर्दै जाँदा लुभुका ४३ वर्षीय सहकारीका अध्यक्ष अनिल श्रेष्ठ तानिएको प्रहरी उपरीक्षक सिद्धिविक्रम शाहले बताए। पूर्वरिसइबी तथा उनले आफ्नो र आफ्ना परिवारका नाममा सहकारीबाट लिएको कर्जा असुलीमा ताकेता गर्दा म्यानेजर श्यामकृष्ण श्रेष्ठलाई फसाउन अध्यक्ष अनिल हात धोएर लागेको प्रहरी अनुसन्धानले देखाएको छ ।

    पक्राउ परेका दुईमाथि हातहतियार तथा खरखजाना, आपराधिक षड्यन्त्र मुद्दामा जिल्ला अदालत ललितपुरबाट हिरासतमा राख्न प्रहरीले अनुमति लिएको छ । यसमा थप अनुसन्धान भइरहेको जिल्ला प्रहरी परिसर ललितपुरले जनाएको छ ।

    प्रतिकृया दिनुहोस्

    गठबन्धनबाट भक्तपुरको २ प्रदेश क्षेत्र माओवादी केन्द्रले पाउने सचिव पोख्रेलको खुलासा

    बागमती प्रदेश सभाका लागि भक्तपुरमा गठबन्धनबाट  माओवादी केन्द्रले उम्मेदवारी पाउने पार्टी सचिव लीलामणि पोख्रेलले खुलासा...

    दशैंमा सार्वजनिक यातायात ब्यवस्थापनका लागि भक्तपुरको विशेष योजना

    भक्तपुरमा सार्वजनिक यातायातलाई व्यवस्थित बनाउन गुनासो सुन्ने र समाधान गर्ने उदेश्यले यात्रु सहायता कक्ष संचालन...

    संविधानको रक्षा नै वर्तमान सरकारको प्रमुख उपलब्धी

    durlabh thapa

    पूर्व उपप्रधानमन्त्रीसमेत रहेका नेपाली काँग्रेसका नेता प्रकाशमान सिंहले वर्तमान सरकारले संविधानको रक्षा गरेको दावी गरेका...

    आतंक सिर्जना गर्ने समूह नसमातिएको विरोधमा प्रदर्शन

    pradarsan

    नेकपा(एकीकृत समाजवादी) का भक्तपुर जिल्ला अध्यक्ष श्याम सुन्दर बस्नेतको घरमा पुगी परिवारलाई आतंकित पार्ने समूह...

    प्रेस सेन्टरको उपत्यका प्रदेश महासचिवमा रोजिना थापा

    rojina

    नेकपा(माओवादी केन्द्र) को शुभेच्छुक पत्रकार संगठन प्रेस सेन्टर नेपालले आफ्नो उपत्यका प्रदेशको महासचिवमा रोजिना थापालाई...