भक्तपुर नगरपालिकाको आयोजनामा जारी मेयर कप अन्तर नगरपालिका भलिवल प्रतियोगिताको फ़ाइनलमा सुर्यविनायक र कैलालीको गोदावरी नगरपालिका पुगेका छन । सोमवारको सेमिफ़ाइनल बाट बिजेता बन्दै यी दुइ टोली फ़ाइनलमा पुगेका हुन् ।

प्रत्यक खेलमा शुरु बाट नै अविजित रहेका सुर्यविनायक र गोदावरीले सेमिफ़ाइनलमा क्रमस: तिलोत्तमा र ललितपुरलाई हराएका हुन् ।

‘बेस्ट अफ फाइभ’ को आधारमा खेलाइएको खेलमा सोमवार रोमाञ्चक प्रतिष्पर्धा भएको थियो । सुर्यबिनायकले तिलोत्तमा लाई २ का बिरुद्ध ३ सेटले पराजीत गरेको थियो । यस खेलमा सुर्यबिनायकका चित्र बहादुर केसी म्यान अफ द म्याच घोषित भए ।

त्यसैगरी कैलालीको गोदावरीले पनि ललितपुर उपमहानगरपालिकासंग २ का बिरुद्ध ३ सेटको रोमान्जक जीत हासिल गर्यो । यस खेलमा गोदावरीका टंक अवस्थी ‘म्यान अफ द म्याच’ घोषित भए ।

मेयर कपको अविजित सूर्यविनायक र गोदावरी बीचको रोमाञ्चक फाइनल प्रतियोगिता मंगलवार दिनको १ बजे शहिद स्मृति खेल मैदानमा हुने प्रमुख रेफ्री गौतम लासिबाले इभक्तपुरलाई जानकारी गराएका छन । फाइनल खेलको समाप्ति संगै प्रतियोगिताको समापन कार्यक्रम पनि हुने उनले बताए ।

हेर्नुस् सेमीफाइनलको बिस्तृत नतिजा

तपाई हाम्रो फेसबुक पेज लाइक गरेर फेसबुकमै समाचार प्राप्त गर्न सक्नुहुनेछ । हामीलाई ट्वीटरमा पनि फलो गर्न सक्नुहुनेछ । eBhaktapur