भक्तपुर, १३ चैतचाँगुनारायणमा चट्याङ्गले एक युवकको मृत्यु भएको छ । चागुँनारायण नगरपालिका – ८ ताथलीमा चट्याङ्गलागि युवकको मृत्यु भएको हो ।
सोमवार बेलुकी भएको मेघ गर्जनसंगै चट्याङ्ग पर्दा ताथली स्थित शंकर इट्टा भट्टामा काम गर्ने एक युवकले ज्यान गुमाएको प्रहरीले पुष्टि गरेको छ । ज्यान गुमाउनेमा जिल्ला सिन्धुली हरिहरपुर गढी गाँउपालिका ५ घर भै इट्टा भट्टामा काम गर्दै आएका बर्ष १९ का युवक सुरेन्द्र बल तामाङ रहेका छन् । इट्टा भट्टाभित्र झ्याउलीले बारेको घर भित्र बसी रहेको अवस्थामा चट्याङ्गले लागी घाईते भएका बललाई उपचारको लागी भक्तपुर अस्पताल लगिएकोमा सोमवार बेलुकी ५ बजे चिकित्सकले बचाउन नसकेको घोषणा गरेका थिए ।
यसैबीच सोमवार चट्याङ्ग लागी घाइते भएकी एक १६ बर्षे किसोरी भने सकुसल रहेको खवर प्राप्त भएको छ । इट्टा उद्योगमै काम गर्ने मकवानपुर ठोटरी-८ घर भएकी बर्ष १६ की सन्चली योञ्जन भने सामान्य घाइते मात्र भएकी छन् । बसीरहेको अवस्थामा चट्याङ्ग लागेर घाइते भई उपचारको लागि भक्तपुर अस्पताल ल्याइएकोमा उपचार पश्चात् उनको डिस्चार्ज भैसकेको महानगरीय प्रहरी परिसरका डीएसपी कृष्ण प्रसाइले जानकारी गराएका छन् ।