भक्तपुरमा पहिचान खुल्न नसकेको एक पुरुष मृत अवस्थामा भेटिएका छन् । भक्तपुर नगरपालिका – ३ मंगलाछे शिवालय मन्दिर भित्र उनको शव भेटिएको हो ।

अन्दाजी ५ फिट ६ ईन्चको देखिने मृत पुरुषको तालु खुईलिएको छ भने उनले कालो ज्याकेट, सेतो निलो सर्ट, निलोमा सेतो धर्सा भएको ट्र्याकसुट लगाएको अवस्थामा प्रहरीले शव फेला पारेको छ । मृतकको उमेर अन्दाजी ६०/६५ बर्षको जस्तो देखिन्छ ।

दिउसो ३ बजेको समयमा स्थानीयले सूचना गरेपछि पुगेको प्रहरीले उक्त शवलाई पोस्ट्मार्टमका लागि भक्तपुर अस्पताल पुर्याएको छ भने मृतक र मृत्युको बारेमा थप अनुसन्धान गरिरहेको महानगरीय प्रहरी परिसर भक्तपुरका प्रहरी निरीक्षक सुशीलकुमार पाण्डेले जनाएका छन् ।

समाचार तयार पार्दासम्म मृतकको पहिचान खुल्न सकेको छैन ।