भक्तपुर नगरपालिका- १० कमलविनायकमा एक बालिकाको खेल्ने क्रममा ज्यान गएको छ । खेल्दाखेल्दै घरको छतबाट खस्दा उनको ज्यान गएको हो ।

काभ्रे कोशीपारी घर भई हाल कमलविनायकमा डेरा गरी वस्ने विकाश लामाकी छोरी ६ बर्षिया लमी लामा छतबाट खस्दा उनको ज्यान गएको प्रहरीले जानकारी गराएको छ । खेल्ने क्रममा अचानक स्थानीय प्रेम प्रसाद सुवालको ३ तले पक्की घरबाट खस्दा उनको निधन भएको हो ।

अन्दाजी ३ : ४५ बजेको समयमा लडेर घाईते भएकी बालिका लामालाई उपचारका लागि मध्यपुर अस्पताल लगिएकोमा उपचारकै क्रममा ४ :०५ वजेको समयमा उनको मृत्यु भएको बताइएको छ ।

महानगरीय प्रहरी परिसर भक्तपुरका प्रहरी नायव  उपरीक्षक कृष्ण प्रसाइले जनाए अनुसार जगाती वृत्तबाट खटिएको प्रहरीको टोलीले घटनाको थप अनुसन्धान गरिरहेको छ ।