भारत सरकारले विराटनगरमा खडा गरेको क्याम्प अफिस बन्द हुने भएको छ । नेपाल सरकारले बन्दको लागि ताकेता गरेपछि क्याम्प अफिस बन्द हुने भएको हो ।

भारत सरकारले विराटनगरमा खडा गरेको क्याम्प अफिसको बेलाबखत बिरोध हुने गरेको थियो । भारतले क्याम्प अफिसबाट नेपाल बिरोधी गतिबिधि गर्ने गरेको आरोप लाग्दै आएको थियो । बिद्रोही शक्तिको पहिचान बनाइरहेको विप्लव नेतृत्वको नेकपाले केही समय अघि बम बिष्फोट समेत गराएको थियो ।

जनस्तरबाट समेत ब्यापक बिरोध भएपछी सरकारले समेत क्याम्प अफिस बन्द गरौँ कुटनीतिक प्रयास गरेको थियो । भ्राताले भने बिरोधका कारण बन्द गरिएको स्वीकार गरेको छैन । जुन उद्देश्य लिएर क्याम्प अफिस खोलिएको थियो त्यो पूरा भएकोले अब यसलाई बन्द गरेको भारतीय दूतावासको दावी छ ।

उक्त क्याम्प अफिस अगस्त १ अर्थात साउन १६ देखि बन्द गर्ने गरिने भारतीय दूतावासले भनेको छ ।

भारतीय दूतावासले एक पत्र जारी गर्दै विराटनगर क्याम्प अफिस अगस्त १ देखि बन्द गरिने बताएको हो । दूतावासले जनाए अनुसार क्याम्पले गर्दै आएको गाडीको परमिट, भारतीय नागरिकको प्रमाणपत्र दर्ता गर्ने, कागजातहरुको प्रमाणीकरण, जन्म र मृत्यु दर्ता लगायतका कामहरु अब साउन १६ गतेदेखि काठमाडौंस्थित भारतीय दूतावासले गर्नेछ ।

पहिलो कार्यकालमा भारतसंग टक्कर लिएर राष्ट्रवादी प्रधानमन्त्रीको पहिचान बनाए पनि यो कार्यकालमा उक्त छवी जोगाउन नसकिरहेकाे आलोचना खेपिरहेका प्रधानमन्त्री केपी शर्मा ओलीलाई  क्याम्प बन्द हुने कुराले बिरोधीको मुख थुन्न केहि राहत मिल्ने देखिएको छ ।