भक्तपुर, २० मंसिरगए राति लोकन्थलीमा सडक दुर्घटनामा परि मोटरसाइकल चालकको मृत्यु भएको छ भने पछाडी सवार व्यक्ति घाइते भएका छन् ।
मध्यपुरथिमी-१ लोकन्थलीस्थित अरनिको राजमार्गमा काठमाण्डौबाट भक्तपुर तर्फ आउदै गरेको बा.९३ प.१४१९ नं को मोटरसाइकल दुर्घटना भएको हो । रातको करीव पौने १२ बजे भएको उक्त दुर्घटनामा परि चालक सिन्धुपाल्चोकको जुगल गाउपालिका -४ बस्ने बर्ष २३ को कुमार श्रेष्ठको मृत्यु भएको महानगरीय प्रहरी परिसर भक्तपुरका प्रवक्ता रेवतीरमण पोखरेलले पुष्टि गरेका छन् ।
रातको समयमा मोटरसाइकल आफै अनियन्त्रित भई सडक छेउको रेलिङमा ठक्कर खान जाँदा घाइते भएका मोटरसाइकल चालक २३ बर्षिय कुमार श्रेष्ठको नागरीक अस्पतालमा राती नै ज्यान गएको जानकारी प्राप्त भएको छ । मोटरसाइकल पछाडी सवार बर्ष २५ को राज कुमार श्रेष्ठको अवस्था सामान्य रहेको र उनको अहिले सोही अस्पतालमा उपचार भैरहेको बताइएको छ ।
मध्यरातमा घाइते भएका दुवै जनालाई प्रहरी टोलीले उद्दार गरी उपचारको लागि नागरिक अस्पताल पुर्याएको थियो । घटनाको सम्बन्धमा थप अनुसन्धान कार्य भई रहेको छ ।