फाइल फोटो

भक्तपुर प्रहरीले अबैध घरेलु मदिरा र त्यसमा प्रयोग गरिने कच्चा पदार्थ नस्ट गरेको छ । दुई हजार ९० लिटर घरेलु मदिरा प्रहरीले नष्ट गरेको हो ।

महानगरीय प्रहरी परिसर भक्तपुरले शनिवार पोखेर उक्त मदिरा नष्ट गरिएको जनाएको छ ।

पारिसरले जनाए अनुसार उक्त परिसर र जगाती वृत्त समेतको प्रहरी टोलीले अवैध मदिरा बरामद गरेको थियो । प्रहरी टोलीले उक्त मदिरा सूर्यविनायक-७ किवाचोकबाट बरामद गरेको भक्तपुर प्रहरीका सूचना अधिकारीसमेत रहेका डीएसपी रेवतीरमण पोखरेलले बताए ।

मदिरा र त्यसमा प्रयोग गरिने कच्चा पदार्थका भाँडाकुडा र ड्रमहरु सहित नियन्त्रणमा लिई स्थानीय वुद्धिजिवीको उपस्थितिमा प्रहरी परिसरको हाताभित्र पोखेर उक्त मदिरा नष्ट गरिएको डीएसपी पोखरेलले प्रष्ट पारे ।