भक्तपुर, १० मङ्सिर
भक्तपुर, १० मङ्सिरमध्यपुर थिमि नगरपालिका–४ थिमिस्थित एसओएस चोकमा आज बिहान मोटरसाइकलको ठक्करबाट एक युवक घाइते भएका छन् ।
घाइते हुनेमा मध्यपुर थिमि नगरपालिका–९ राधेराधेका १७ वर्षीय पैदलयात्री विकल्प राजवस्ती रहेको प्रहरीले जनाएको छ ।
पैदल हिडीरहेका उनलाई आज बिहान सवा ६ बजे बा ४४ प ७७६८ नम्बरको मोटरसाइकलले ठक्कर दिएको थियो ।
उनको मध्यपुर अस्पतालमा उपचार भइरहेको प्रहरीले जनाएको छ ।
ठक्कर दिने मोटरसाइकलसहित चालकलाई महानगरीय प्रहरी वृत ठिमीले नियन्त्रणमा लिएको छ ।