फिलिपिन्समा आएको शक्तिशाली आँधीले गर्दा ठूलो संख्यामा स्थानीय नागरिकहरु आफ्नो ज्यान बचाउन तितरबितर भएका छन्। शक्तिशाली आँधीको नाम हो कामुरी ।

यस आँधीबाट विस्थापित भएका हजारौँको संख्यामा उद्धार संस्थाहरुले जनाएका छन् । त्यस क्षेत्रका अधिकारीले उद्धार गरिएकालाई अन्यत्रै सरेको जानकारी दिएका छन् ।

शक्तिशाली आँधीबाट व्यक्तिगत जीवनमा मात्रै नभएर फिलिपिन्सको राजधानी मनिलामा हुन लागेको दक्षिण पूर्वी एसियाली खेलकूदको आयोजनामा समेत असर परेको जनाएको छ ।

राजधानी नजिकै पुगेको उक्त शक्तिशाली आँधीबाट पर्न सक्ने क्षतिको अनुमान गर्दै सुरक्षा अधिकारीहरुले पूर्व तयारीको सुरुवात थालेका छन् । मौसम विज्ञान क्षेत्रका अधिकारीहरुले गरेको अनुमान अनुसार उक्त आँधी प्रति घन्टा कम्तीमा पनि १८५ किलोमिटरका दरले गर्दछ । यसका कारण सोमबार अबेरतिर मनिलाको वरिपरी पहिरो पनि जान सक्ने र मंगलबार बिहनातिर आँधीको असर देखिन सक्ने उनीहरुको अनुमान छ ।

आँधीका साथै भारी वर्षा पनि हुने अनुमान गरिएको उनीहरुले बताए । वर्षाटसंगै हुनसक्ने क्षतिका लागि पनि सरकारी अधिकारीहरुले तयारी गरिसकेको बताइएको छ । मनिलामा यो शक्तिशाली आँधी प्रवेश गरेको खण्डमा यहाँका एक करोड ३० लाख जनसंख्या नराम्ररी प्रभावित हुने उनीहरुको भनाई छ ।

फिलिपिन्समा हरेक वर्ष शक्तिशाली आँधी आउने गर्दछ । यहाँ वर्षेनी साना ठूला गरी २० ओटा जति आँधी आउने गरेको छ । त्यसैले यहाँका सुरक्षा अधिकारीहरुले पनि व्यापक तयारी गर्ने गरेका छन् । सन् २०१३ मा आएको हायान नामक आँधीका कारण कम्तीमा पनि ७ हजार ३०० नागरिकहरु वेपत्ता भएका छन् । वेपत्ता हुनेमा मृत्यु भएका वा हराएका थिए । यसले फिलिपिन्सको इतिहासमा नै निकै ठूलो भौतिक क्षति पुगेको थियो । समाचारदैनिक