ट्रकले ठक्कर दिँदा एक स्कुले बालिकाको मृत्यु भएको हल्लाले कोहलपुर तनावग्रस्त बनेको छ । कोहलपुरबाट नेपालगन्ज जाँदै गरेको ना२ख ९४५९ नम्बरको ट्रकले बिहान करिब साढे १० बजेतिर ठक्कर दिएको थियो । ठक्करबाट उनी गम्भीर घाइते भएकी छन् । स्थानीयले ट्रक जलाइदिएका छन । समाचारहरुमा उनको मृत्युको खबर आएपछि स्थानीयको प्रदर्शनले झन् उग्र रुप लिन पुग्यो ।

ट्रकले स्थानीय त्रिभुवन माध्यमिक बिद्यालयको कक्षा ७ मा अध्ययनरत छात्रा प्रकृती चन्दलाई ठक्कर दिएको थियो । उक्त घटनापछि कोहलपुर तनावग्रस्त बनेको छ ।

बालिकालाई ठक्कर दिने उक्त ट्रक आक्रोशित आफन्त, अन्य विद्यार्थी र स्थानीय बजारवासीले जलाइदिएका थिए ।  अवरुद्ध सडक  हटाउन खोज्दा झडप भएको छ ।

झडपका क्रममा प्रहरीले हवाइ फायर र केही सेल अश्रुग्यास प्रहार गरेक छन् । आक्रोशित विद्यार्थी, स्थानीयले इलाका प्रहरी कार्यालयमा ढुंगामुढा गरेको छन । बांँके प्रशासनले कोहलपुर क्षेत्रमा कर्फ्यु आदेश जारी गरेको छ ।

ठक्करबाट गम्भीर घाइते भएकी बालिकालाई हेलिकप्टर मार्फत थप उपचारका लागि काठमाडौं ल्याइएको छ । उनको ग्वार्कोस्थित बीएण्डबी हस्पिटलमा उपचार भैरहेको छ।

सच्याइएको : एक मूलधारको विस्वशनीय अनलाइनको न्युज साभार गर्दा मृत्युको खबर पर्न गएकोले सच्याइएको छ । -सम्पादक