भक्तपुर, २२ मङ्सिरबाँकेको कोहलपुरमा एक विद्यार्थी ट्रकको ठक्करबाट घाइते भएको विषयलाई लिएर प्रदर्शनमा उत्रिएका विद्यार्थीहरुमाथि प्रहरीले गोली चलाएको छ ।
त्रिभुवन उच्च माध्यामिक विद्यालयमा कक्षा ७ मा अध्ययनरत कोहलपुर–१० की प्रकृति चन्द ट्रकको ठक्करबाट घाइते भएपछि विद्यार्थी विरोधमा उत्रिएका थिए ।
साथीलाई ट्रकले किचेपछि आन्दोलनमा उत्रिएका विद्याथीहरुमाथी प्रहरीले गोली चलाएको हो । प्रहरीले चलाएको गोली लागी त्रिभुवन मावि कक्षामा ९ मा पढ्ने शुसिल थापा गम्भीर घाईते भएका छन । घाईते थापाको नेपालगन्ज शिक्षण अस्पताल कोहलपुरमा उपचार भईरहेको छ ।
आईतबार विद्यालय जाँदै गरेकी प्रकृतिलाई ट्रकले किचेको थियो ।
कोहलपुर वडा नं. १० मा रहेको त्रिभुवन माविमा अध्ययनरत छात्रा चन्दलाई कोहलपुरबाट नेपालगन्ज जाँदै गरेको ना २ ख ९४५९ नम्बरको ट्रकले किचेको थियो । उनीहरुले ट्रकमा आगजनी समेत गरेका छन् । घटनापछि आक्रोशित भिडले बालिकालाई ठक्कर दिने ट्रकमा आजगनी गर्नुका साथै आधा दर्जन अन्य गाडीमा समेत तोडफोड गरेको बताइएको छ । दैनिकखबर
