तीन किलोग्राम नक्कली सुनसहित नेपाल प्रहरीले एकजना भारतीय नागरिकलाई पक्राउ गरेको छ ।

पक्राउ पर्नेमा भारतीय नागरिक मोहनलाल गुजराती रहेका छन् । उनलाई आज बिहान गोंगबु नयाँ बसपार्कबाट महानगरीय प्रहरी वृत्त महाराजगञ्जको टोलीले समातिएको हो ।

नक्कली सुनको सिक्का बोकेर हिँडेको अवस्थामा वृत्तका प्रमुख, प्रहरी नायब उपरीक्षक उमेश लम्सालले गुजरातीलाई पक्राउ गरेको जानकारी दिए । पक्राउ गुजरातीलाई हिरासतमा राखेर ठगी मुद्दा दर्ता गरी अनुसन्धान भइरहेको लम्सालले बताए ।