भक्तपुर, २६ पुस भक्तपुरमा एक ब्यक्तिले खुर्पा आतङ्क मच्चाउदा २ प्रहरी सहित ४ जना घाइते भएका छन् । राम बहादुर विक नाम बताउने ति व्यक्तिलाई प्रहरीले नियन्त्रणमा लिएको छ।
शनिवार दिउसो करिब ४ बजेको समयमा भक्तपुर १० स्थित पाइपलाईन र देकोचामा खुर्पा प्रहार गरी २ महिलालाई घाइते बनाएको सूचना पाएपछि पक्राउ गर्न पुगेका प्रहरी समेत विकको निसानामा परेका थिए ।
खुर्पा प्रहारले घाइते हुनेमा ओखलढुंगाको चम्पादेवी १० घर भई हाल भक्तपुर १० कमलविनायक बस्ने बर्ष ६० की भुनामाया थापा र कमलविनायककै ४५ वर्षिया राजमती जाकिबन्जार रहेका महानगरीय प्रहरी परिसर भक्तपुरका सूचना अधिकृत रहेका इन्स्पेक्टर पंचलाल गोलेले पुष्टि गरे । थापालाई मध्यपुर अस्पतालबाट थप उपचारको लागी छाउनी स्थित नेपाली सेनाको अस्पतालमा रिफर गरीएको तथा जाकिबन्जारको मध्यपुर अस्पतालमा उपचार भइरहेको बताइएको छ ।
हातमा खुर्पा लिएर दौडिरहेका २० वर्षीय विकलाई समात्न पुगेका महानगरीय प्रहरी प्रभाग ब्यासीमा कार्यरत प्रहरी हवल्दार जितेन्द्र प्रसाद यादव प्रहरी जवान टोल बहादुर श्रेष्ठ पनि घाइते भएका छन् । उनीहरुको अवस्था सामान्य रहेको छ ।
जाजरकोट घर बताउने विकलाई नियन्त्रणमा लिई महानगरीय प्रहरी परिसर, भक्तपुरमा राखिएको र थप अनुसन्धानको कार्य भईरहेको प्रहरीको भनाइ छ ।