भक्तपुर, २१ माघभक्तपुर । सानोठिमी स्थित शिक्षा तथा मानव स्रोत विकास केन्द्रले शिक्षकको तलव भत्ता नपुग भए माग गर्न ७ दिनको समय दिएको छ । माध्यमिक तहमा स्वीकृत दरबन्दी तथा अनुदानमा कार्यरत शिक्षकको लागि तलव भत्ता नपुग भएमा ७ दिन भित्र लेखि पठाउन स्थानीय तहका लागि सूचना प्रकाशित गरिएको हो ।
हालसम्म ४ सय १८ वटा स्थानीय तहको मात्रै विवरण पठाएकोले अन्य बाँकी स्थानीय तहलाई तलवी विवरण पठाउन ७ दिनको म्याद दिइएको योजना तथा अनुगमन शाखाले जनाएको छ । ७ दिनभित्र कार्यक्रम कार्यान्वय पुस्तिकामा तोकिएको ढाचामा विवरण पठाउन निर्देशन दिइएको हो ।
सूचनामा जिल्ला स्थित शिक्षा विकास तथा समन्वय ईकाइ मार्फत स्थानीय तहका शिक्षा शाखालाई विवरण पठाउन केन्द्रले निर्देशन जारी गरेको छ । अथवा, ईकाइबाट प्रमाणित गराई इमेल वा फ्याक्स मार्फत पनि विवरण पठाउन सकिने उपमहानिर्देशक इमानारायण श्रेष्ठले बताएका छन् ।
हेर्नुस् केन्द्रले जारी गरेको सूचना