ठिमी, २७ चैतबा१२च १०१३ नम्बरको निजी कारले मध्यपुर थिमिको तेर्सेटारमा स्कुटर यात्रुलाई ठक्कर दिएको छ ।
अत्यधिक तीब्र गतिमा रहेको कारले बेलुकी सवा छ बजेको समयमा पैदल यात्रुहरु लाई छुदै स्कुटरमा सवार युवतीलाई ठक्कर दिएको हो ।
कार चालक जनक दाहालले मादक पदार्थ सेवन गरि कार चलाएका थिए । उनले मादक पदार्थ सेवन गरि सवारी चलाउदा दुर्घटना भएको एक प्रत्यक्षदर्शीले भक्तपुर पोस्ट लाई जानकारी गराएका हुन् । “दुर्घटना गराउछ भन्दाभन्दै गरायो ।” उनले भने ।
महानगरीय प्रहरी बृत्त थिमिले कार चालक दाहालले मदिरा सेवन गरेको पुष्टि गरेको छ ।तर, दिन दहाडै मादक पदार्थ सेवन गरि दुर्घटना गराएका दहाललाई प्रहरीले राजनीतिक दबाबमा नियन्त्रणमा लिएको १ घन्टामै छोडेको बृत्त श्रोतले बतायो ।
दुर्घटनाबाट स्कुटर चालक शान्ति पाण्डे घाइते भएकी छन् । उनलाई नगरीक अस्पतालमा राखिएको छ । उनको अवस्था सामान्य रहेकोले कार चालक दाहाललाई छोडिएको थिमि बृत्तका एक प्रहरी अधिकृतले बताए ।
बृत्त श्रोतले भने लकडाउनको समयमा औषधी सप्लायर्सको सवारी पास लिएर मादक पदार्थ सेवन गरि सवारी चलाउने र दुर्घटना समेत गराउनेलाइ सवारी सहित छोड्नु पर्दा दुख लागेको जानकारी गराएको छ । बृत्त प्रमुख डीएसपी शान्तिराज कोइरालाले भने आफूले यस बिषयमा थप बुझेर बताउने प्रतिक्रिया दिए ।
हेर्नुस् औषधी सप्लायर्सको पास लिएको कारमा सजिएका चुरोटका डब्बा । अत्यावश्यक सामाग्री सप्लायर्सको पास लिएर मोजमस्तीमा प्रयोग गर्ने र मापसे गरेर दुर्घटना गराउदा समेत उन्मुक्ति पाउने पहुँचवाला सवारी ।
फोटो : भक्तपुर पोस्ट