भक्तपुर । मंगलवार भक्तपुरमा थप १३ जनामा कोरोना संक्रमण पृष्टि भएको छ । स्वास्थ्य तथा जनसंख्या मन्त्रालयका अनुसार भक्तपुरमा १३ सहित काठमाडौं उपत्यकामा थप ६२ जनामा कोरोना संक्रमण पुष्टि भएको हो ।

मन्त्रालयका प्रवक्ता डा.जागेश्वर गौतमले विभिन्न प्रयोगशालामा गरिएको परीक्षणमा उपत्यकाका थप ६२ जनामा कोरोना संक्रमण भएको पुष्टि गरेका हुन् । यस्तै, काठमाडौंका ४८ र ललितपुरका १ जनामा संक्रमण देखिएको छ ।

यस्तै मन्त्रालयका अनुसार मंगलबार देशभरमा थप २५९ जनामा कोरोनासंक्रमण देखिएको छ। नयाँसहित कूल संक्रमितको संख्या २१ हजार ९ पुगेको छ ।

मन्त्रालयका अनुसार पछिल्लो २४ घन्टामा ६५ जनाले कोरोना जितेर घर फर्किएका छन् । योसहित कोरोना जित्नेको कुल संख्या १५ सय २६ पुगेको छ । मन्त्रालयका प्रवक्ता डा. गौतमकाअनुसार पछिल्लो २४ घण्टामा ७ हजार ६ सय ८७ जनाको पीसीआर नमुना परीक्षण भएका छन् ।

क्वारेन्टाइनमा रहनेको संख्या १० हजार ४ सय ५२ पुगेको छ । यस्तै मन्त्रालयका अनुसार आइसोलेसनमा ५ हजार ९ सय २५ जनाको उपचार भइराखेको छ । कोरोनाबाट हालसम्म मृत्यु हुनेको संख्या ५८ पुगेको छ।