सिपाडोलका २२ महिने बालकमा कोरोना पुष्टि भएपछि उनको उपचारमा संलग्न भक्तपुरका २ अस्पतालका चिकित्सक क्वारेन्टाइनमा बसेका छन् । शनिवार बालकमा कोरोना पोजेटिभ पाइएपछि उनीहरु क्वारेन्टाइनमा बसेका हुन् ।

सुर्यविनायक ८ सिपाडोलका २२ महिने बालकको हात भाँचिएपछि उनलाई भक्तपुरको आदर्शस्थित सिद्धि स्मृती अस्पताल पुर्याइएको थियो । त्यहाँ उपचार हुन नसकेपछि बालकलाई भक्तपुरको सल्लाघारी स्थित डा.ईवामुरा स्मृति अस्पतालमा भर्ना गरिएको थियो ।

उपचार अघि स्वाव परीक्षणका लागि थिमिको नेपाल कोरियामैत्री नगरपालिका अस्पतालमा स्वाब परीक्षण गर्दा रिर्पोटमा बालक र उनको आमा दुवैमा कोरोना पोजेटिभ पाइएको थियो । बालक र उनकी आमालाई उपचारको लागि काठमाडौंस्थित प्रहरी अस्पताल पठाइएको छ ।

बालक र उनकी आमाको सम्पर्कमा रहेका इवामुरा र सिद्धिस्मृतिका चिकित्सक र स्टाफहरुलाई क्वारेन्टाइनमा राखिएको स्वास्थ्य कार्यालय भक्तपुरका प्रमुख कृष्ण बहादुर मिजारले पुष्टि गरेका छन् ।