भक्तपुर, ११ भदौ भक्तपुरमा सडक दुर्घटना हुँदा एक जनाको ज्यान गएको छ । सूर्यविनायक ९ बासघारी स्थित अरनिको राजमार्गमा भएको दुर्घटनामा उक्त हताहती भएको हो ।
दुर्घटना बिहीवार दिउसो करिब ३ बजेको समयमा भएको थियो । जगातीबाट साँगातर्फ जादै गरेको बा ३ ख ५३२२ नं.को तेल बोकेको ट्याङ्कर र बिपरित दिशाबाट आईरहेको बा २१ च ८८०५ नं. को पानीको जार बोकेको गाडी एक आपसमा ठोक्किदा दुर्घटना भएको थियो । दुर्घटनामा परि पानीको जार बोकेको गाडीको चालक मिलन मगरको ज्यान गएको हो ।
गम्भीर घाईते भएका मगरको ईवामुरा मेमोरियल अस्पतालमा ज्यान गएको बताइएको छ । झापा अर्जुनधारा २ घर भएका मगरलाइ बेलुकी ४ बजेको समयमा सम्बन्धित चिकित्सकले मृत घोषणा गरेको प्रहरीले पुष्टि गरेको हो ।
दुर्घटनामा उक्त गाडीका सहचालक मोरङ अमरदह ८ घर भई हाल जोरपाटी बस्ने बर्ष १५ को बिबेक राजबंशी गम्भीर घाईते भएका छन् भने सोही गाडीमा सवार काभ्रे साँगा घर भएकी बर्ष २२ की सृजना तामाङ र उनको १९ महिने छोरा सामान्य घाइते भएका प्रहरीको भनाइ छ ।