भक्तपुर, १३ असोजशिक्षा पत्रकारहरुको दुई छुट्टाछुट्टै संस्थामा भक्तपुरका २ सम्पादकहरु सचिवमा चयन भएका छन् । यसरी सचिव हुन सफल दुईजना रोशन क्षेत्री र मैँया त्वानाबासु हुन् ।
क्षेत्रीले शिक्षा पत्रकारको सबैभन्दा पुरानो संस्था शिक्षा पत्रकार समूहमा सचिवको जिम्मेवारी पाउन सफल भएका छन् भने त्वनाबासु शिक्षा पत्रकार प्रकाश सिलवालको नेतृत्वमा केहि दिन अघि मात्र दर्ता भएको शिक्षा पत्रकार समाजको सस्थापक सचिव बन्न सफल भईन् ।
प्रेस संगठन नेपालको भक्तपुर जिल्ला समिति सदस्य समेत रहेका क्षेत्री हाल एजुकेशनपाटीका सम्पादक हुन् । उनी एजुकेशन पेजेज, आजको शिक्षा साप्ताहिक, शिक्षक मासिक, सिकाइ मासिक लगायत पत्रिकासँग समेत आवद्ध रहेका थिए । त्वानाबासु भक्तपुरबाट प्रकाशित हुने शैक्षिक पत्रिका नुवागी मासिककी सम्पादक हुन् । उनी बीबीसीसंग पनि आवद्ध रहेकी छन् ।
शिक्षा पत्रकारितामा लामो अनुभव संगालेका क्षेत्री र त्वानाबासु दुबैजना आफ्नो संस्थाको सचिवमा सर्वसम्मत चयन भएका हुन् । भक्तपुर पोस्ट दुबैजनाको सफल कार्यकालको शुभकामना व्यक्त गर्दछ ।