चाँगुनारायण, १० मंङ्सिरचाँगुनारायणस्थित नेपाल इञ्जिनियरिङ्ग कलेजका तत्कालिन संचालक समितिका अध्यक्ष लम्बोदर न्यौपाने पक्राउ परेका छन् । ठगी मुद्दामा उनलाई प्रहरीले पक्राउ गरेको हो ।
प्रहरीको केन्द्रीय अनुसन्धान ब्युरोले चाैसट्ठी वर्षिय न्यौपानेलाई उनकै चण्डोलस्थित निजी निवासबाट नियन्त्रणमा लिएको ब्युरोका उपनिर्देशक बेलबहादुर पाण्डेले पुष्टि गरेका छन् । आजै (बुधवार) पक्राउ परेका न्यौपाने प्रहरी हिरासतमा रहेका र उनीमाथि अनुसन्धान भैरहेको बताइएको छ ।
चाँगुनारायण ४ स्थित नेपाल इञ्जिनियरिङ्ग कलेजको सम्पत्ति बिभिन्न परिपंच गरी न्यौपाने सहितका व्यक्तिले आफ्नो नाममा पारेको अभियोगमा उनलाई पक्राउ गरी अनुसन्धान भैरहेको ब्युरोले जनाएको छ । तथ्यगत रुपमा खुलेको ८ करोड २१लाख र लेखापरीक्षण बाट बेरुजु देखिएको २३ करोड १० लाख बढी रकम तत्कालिन अध्यक्ष न्यौपाने लगायतले हिनामिना गरेको आरोप लाग्दै आएको छ ।
कजेजको सम्पत्ति हिनामिनाको विषयमा अख्तियार दुरुपयोग अनुसन्धान आयोगले समेत मुद्दा हेरेको थियो । त्यो बेला अख्तियारका तत्कालीन आयुक्त राज नारायण पाठकले ७० लाख घुस लिएको अडियो सार्वजनिक भएपछी उनले राजिनामा दिएका थिए ।