भक्तपुरपोस्ट संवाददाता भक्तपुर, ६ चैत २०७७
भक्तपुर, ६ चैत २०७७भक्तपुरमा वाइसिएलको नेतृत्व तोकिएको छ । योङ कम्युनिष्ट लिग (वाइसिएल) नेपालले बागमती प्रदेशका सबै जिल्ला नेतृत्व तोकेसंगै भक्तपुरमा पनि नेतृत्व चयन गरेको हो।
नेकपा (माओवादी केन्द्र) को युवा संगठन वाइसिएल, नेपाल भक्तपुर जिल्ला इन्चार्जमा दिनेश थपलिया(आक्रोश)लाई जिम्मेवारी तोकिएको छ । उनी माओवादी केन्द्रका जिल्ला सदस्य समेत हुन् । जिल्ला संयोजकको जिम्मेवारी भने नरेश वाइबालाई दिइएको छ ।
वाइसिएल नेपालले २०७८ जेठ २८–३० गते काठमाडौंमा राष्ट्रिय भेला गर्ने सामेत निर्णय गरेको छ । साथै, प्रदेश भेला जेठ १५ गते भित्र र जिल्ला तथा स्थानीय भेला भने जेठ ५ गते भित्र सम्पन्न गर्ने निर्णय गरेको जानकारी गराइएको छ । नयाँ नेतृत्वले भक्तपुर जिल्लाको दोस्रो पूर्ण बैठक शनिबार दिउसो पान्डोबजारस्थित होटल जम्बालामा बोलाएको नेता विनोद लामिछानेले बताएका छन् ।