चित्तपोल सामुदायिक सिकाइ केन्द्रको आयोजनामा सोमबार चित्तपोलमा शुभकामना आदान प्रदान तथा प्रमाण पत्र वितरण कार्यक्रम सम्पन्न भएको छ ।

कार्यक्रममा स्थानीय कला संस्कृतिको संरक्षण तथा संवद्र्धन गर्ने उद्देश्यका साथ स्थापित भिन्तुना साँस्कृतिक समाजको आयोजनामा साउन १० गतेदेखि फागुन २ गते सम्म संञ्चालित धिमेबाजा प्रशिक्षण कार्यक्रममा सहभागी प्रशिक्षार्थीहरुलाई प्रमाण पत्र वितरण गरिएको थियो । साथै, सामुदायिक सिकाई केन्द्रको आयोजनामा भएको महिलाहरुलाई नेपाली थैली बनाउने तालिमको पनि सहभागि प्रशिक्षार्थीहरुलाई प्रमाण पत्र वितरण गरिएको थियो ।

कार्यक्रममा बागमती प्रदेश सांसद सृजना सैंजूले प्रशिक्षार्थीहरु तथा प्रशिक्षहरुलाई प्रमाण पत्र वितरण गरेकि थिइन । सांसद सैंजूले नयाँ वर्ष २०७८ सालको शुभकामना व्यक्त गर्दै देशमा भइरहेको बर्तमान राजनीतिक संकटबारे समेत बोलिन् ।

कार्यक्रममा भिन्तुना साँस्कृतिक समाजका अध्यक्ष राजाराम पाकुर , धिमेबाजा प्रशिक्षकका प्रशिक्षक सुसिल सुवाल,अतिथि सुर्यभक्त त्वाती , शुशिल त्वाती लगायतलेले नयाँ बर्षको शुभकामना व्यक्त गरेको थियो ।