पूर्व प्रधानमन्त्री समेत रहेका नेकपा (एमाले) का नेता माधव कुमार नेपाललाई प्रधानमन्त्री बनाउनेबारे छलफल सुरु भएको छ ।

एमालेका वरिष्ठ नेता नेपाललाई प्रधानमन्त्रीमा विपक्षी गठबन्धनले प्रस्ताव गर्ने बित्तिकै बहुमत पुग्ने सम्भावना देखिएपछि विपक्षी गठबन्धन छलफलमा जुटेको हो ।

विपक्षी गठबन्धनको सरकार निर्माणबारे छलफल गर्न अहिले कांग्रेस सभापति शेरबहादुर देउवासाहित छलफल भइरहेको छ । उक्त छलफलमा माओवादीका प्रचण्ड, जसपाका उपेन्द्र यादव, बाबुराम भट्टराई र एमालेका माधव नेपाल सहभागी छन् ।

नेपाल पक्षमा एमालेका २८ जना सांसद छन् । कांग्रेसका ६१ र माओवादीका ४९ सांसद छन् । र, जसपाको उपेन्द्र यादवको पक्षमा १५ जना सांसद छन् । त्यो संख्या जोड्दा १५३ जना सांसद पुग्छन् । त्योअनुसार सरकार बन्ने अवस्थाका लागि अधिक बहुमत हुन्छ ।