भक्तपुर, ६ साउन २०७८भक्तपुरका सिडिओ प्रेमप्रसाद भट्टराईलाई पितृशोक परेको छ । उनका पिता कुलप्रसाद भट्टराईको निधन भएको छ ।
८२ वर्षको उमेरमा मंगलवार साँझ ६:३० बजे पिता कुलप्रसाद भट्टराईको निधन भएको पारिवारिक श्रोतले पुष्टि गरेको हो । सुनसरीको बकलौरीस्थित निवासमा शौचालयबाट शयन कक्षतर्फ आउदै गर्दा अचानक उनको निधन भएको बताइएको छ ।
स्वर्गीय भट्टराईका ४ भाइ छोरा निजामति सेवामा छन् । सिडिओ भट्टराई उनका माइला छोरा हुन् । पितृशोकमा परेका सिडिओ भट्टराई सुनसरीस्थित घरमा पिताको अन्तिम संस्कारमा रहेका छन् ।
सिडिओ कार्यालयका कर्मचारी एवं नेपाल राष्ट्रिय कर्मचारी संगठन(निजामति) का भक्तपुर जिल्ला इन्चार्ज कुबेरप्रसाद दाहालले दिवंगत भट्टाराईप्रति हार्दिक श्रद्धान्जली एवं परिवारजनमा गहिरो समवेदना व्यक्त गरेका छन् । भक्तपुरपोस्ट परिवार पनि दिवंगत पिताजी प्रति भावपूर्ण श्रद्धान्जली अर्पण गर्दै सिडिओ भट्टराई लगायत शोकसन्तप्त परिवारजनमा गहिरो समवेदना प्रकट गर्दछ ।