भक्तपुर, १९ भदौ २०७८नेकपा(माओवादी केन्द्र)ले भक्तपुरको सह इन्चार्जको जिम्मेवारी नेता देवेन्द्र श्रेष्ठ दिवाकरलाई दिएको छ । नेकपाबाट विभाजित भएसंगै रिक्त रहेको माओवादी केन्द्रको भक्तपुर सह इन्चार्जको जिम्मेवारी दिवाकरलाई दिइएको हो ।
पार्टीको शुक्रवार बसेको बागमती प्रदेश कमिटीको पूर्ण बैठकले नेता देवेन्द्र श्रेष्ठ दिवाकरलाई भक्तपुर जिल्लामा सह इन्चार्जको जिम्मेवादी प्रदान गरेको भक्तपुर इन्चार्ज दिलिप प्रजापति भिष्मले पुष्टि गरे । प्रदेश अन्तर्गत १३ वटै जिल्लामा सह इन्चार्ज थपिएका र भक्तपुरको सह इन्चार्जमा बागमती प्रदेश सचिवालय सदस्य समेत रहेका नेता देवेन्द्र श्रेष्ठ दिवाकर चयन भएका केन्द्रीय सदस्य एवं जिल्ला इन्चार्ज प्रजापतिले जानकारी दिए ।
प्रदेश कमिटीको पूर्ण बैठकको अवसरमा केन्द्रीय अध्यक्ष पुष्प कमल दाहाल प्रचण्डले निर्देशनात्मक प्रशिक्षण समेत प्रदान गरेका बताइएको छ ।