नेकपा (माओवादी केन्द्र) को विद्यार्थी संगठन अखिल(क्रान्तिकारी)ले विद्यार्थी नेता प्रदिप तजको नेतृत्वमा भक्तपुर जिल्ला समिति निर्वाचित गरेको छ । सोमबार सानोठिमी क्याम्पसमा आयोजित सम्मेलनबाट तजको नेतृत्वमा ७५ सदस्यीय भक्तपुर जिल्ला समिति निर्वाचित भएको हो ।

सम्मेलनले सबै पदाधिकारी निर्विरोध निर्वाचित गरेको (माओवादी केन्द्र)का जनवर्गीय संगठन हेर्ने भक्तपुर फ्र्याक्सन इन्चार्ज सुरेश न्यौपानेले जानकारी दिए । नेता न्यौपानेले दिएको जानकारी अनुसार उपाध्यक्षमा मास बहादुर लामा,दान बहादुर रावत, रेशमलाल श्रेष्ठ र आशिष् पन्त निर्वाचित भएका छन् ।

त्यसैगरी सचिवमा सुमन माझि निर्वाचित भएका छन् भने सहसचिवमा मन्दिरा कुमारी पौडेल,नबराज धामि,सुजन श्रेष्ठ र उर्गेन तामाङ रहेका बताइएको छ । कोषाध्यक्षको जिम्मेवारी सुजता सापकोटाले पाएकी छन् ।