ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् । विद्युतीय सवारीलाई बढावा दिइने उनले बताएकी हुन् ।

महिन्द्रा मोटर्सले मंगलवार आयोजना गरेको ८ लाख ४० हजारको ट्रियो इलेक्ट्रिक अटो सार्वजनिक कार्यक्रममा बोल्दै उनले विद्युतीय यातायातलाई सरकारले बढावा दिने बताइन् ।

नेपालीलाई चाहिने पर्याप्त जलविद्युतको उत्पादन भइसकेको भन्दै उनले बिजुलीका सवारी चलाएर अब उपभोगलाई बढाइने जिकिर गरिन । इन्धन आयात खर्च बचाउन र देशकै उर्जा उपयोग गर्न विद्युतीय यातायात उत्तम बिकल्प भएको उनको भनाइ छ ।

असन्तुलित अर्थतन्त्रलाई सन्तुलित बनाउन  विद्युतीय सवारी साधनहरूले सहयोग गर्ने समेत मन्त्री भुषालले स्पष्ट पारिन । विद्युतीय यातायातको क्षेत्रमा लगानी बढाउँन आग्रह गर्दै उनले सरकारले छिट्टै विद्युतीय यातायात बिकासका लागि ठोस कदम चाल्ने संकेत गरिन ।