भक्तपुरको चाँगुनारायण ७ स्थित खरिपाटीमा सडक दुर्घटना हुँदा मोटरसाइकल चालकको ज्यान गएको छ । ज्यान गुमाउनेमा स्थानीय युवक २४ वर्षीय संजोग गिरी रहेका छन् ।

बिहीवार दिउँसो करिब साढे १ बजे गिरीले चलाएको प्रदेश नं ३-००१ प १४७७ नं को एफजेड मोटरसाइकल र बा. ५ ख. १६२५ नं. को मिनि टाटा ट्रक एक आपसमा ठक्कर खाई दुर्घटना हुँदा उनको घटनास्थलमै मृत्यु भएको डिएसपी राजु पाण्डेले जानकारी गराए । मिनि ट्रक र चालक सिन्धुपाल्चोकको बाह्रविसे ७ नाकुचे घर भई हाल भक्तपुर ८ लिवाली बस्ने ३४ वर्षीय राम आचार्य महानगरीय प्रहरी वृत्त जगातीको नियन्त्रणमा रहेका डिएसपी पाण्डेले जनाएका छन् ।

घटनास्थलमा महानगरीय प्रहरी परिसर, भक्तपुरबाट अनुसन्धान अधिकृत सहितको प्रहरी टोली खटी गई प्रारम्भिक अनुसन्धान कार्य गरी थप अनुसन्धान कार्य भईरहेको बताइएको छ ।