भक्तपुर, ३ जेठ २०७९सूर्यविनायकमा नेपाली काँग्रेसका मेयर उम्मेदवार रहेका निशान ढुंगेलको वडामा नेकपा (एमाले)को प्यानल बिजयी बनेको छ । ढुंगेलको वडा सूर्यविनायक ५ मा एमालेको पूरै प्यानल बिजयी बनेको हो ।
नेपाली काँग्रेसका वडाध्यक्ष उम्मेदवार राजेश तजलाई पछि पार्दै एमालेका उम्मेदवार राजकुमार जोशी निर्वाचित भएका हुन् । उनले १ सय ४० मतान्तर सहित जीत हासिल गरेका छन् । उनी संगै उनको नेतृत्वमा रहेको वडा प्यानल नै निर्वाचित भएको छ ।
निवर्तमान वडाध्यक्ष समेत रहेका जोशीलाई तजले हराउने विश्वास साथ् अघि बढेको काँग्रेसलाई हारले ठुलो झट्का लागेको छ । यो वडा काँग्रेसको भक्तपुर सभापति दुर्लभ थापाको समेत वडा हो । केहि समय अघि वडा कार्यालय उद्घाटनमा आएका काँग्रेस सभापति एवं प्रधानमन्त्री शेर बहादुर देउवाले एमाले सांसद महेश बस्नेतलाई दुर्लभ थापाले हराउने उद्घोष गर्दा बस्नेतले भने आफू बसेको वडा जितेर देखाउन काँग्रेस सभापति थापालाई चुनौती दिएका थिए ।