![bhaktapur municipality](https://bhaktapurpost.com/wp-content/themes/onlineparda/images/1px.gif)
भक्तपुर नगरपालिकामा नगर कार्यपालिकाको लागि भएको महिला सदस्य निर्वाचनमा सबै उम्मेदवार निर्विरोध निर्वाचित भएका छन् । नेमकिपाबाट उम्मेदवार रहेका उनीहरु सबै निर्विरोध निर्वाचित भएका हुन् ।
निर्वाचित हुनेहरुमा छोरीमैया सुजखु(प्रजापति), कृष्णप्यारी भुजु, सुनिता प्रजापति (अवाल), रन्जना त्वाती र रोशंमैयाँ सुवाल रहेका छन् ।
नगरपालिका अन्य दलहरुलाई जमानत समेत जोगाउन नदिई नेमकिपाबाट पूरै प्यानल निर्वाचित भएको भक्तपुर नगरमा अन्य दलहरुको कुनै जनप्रतिनिधि नभएका कारण नगर कार्यपालिका सदस्यको निर्वाचनमा उम्मेद्वारी नपरेको हो ।
नगरपालिकामा निर्वाचित भएका प्रमुख, उपप्रमुख, प्रत्येक वडाका वडाध्यक्षहरुको नगरसभाले आफूहरु मध्येबाट निर्वाचित गरेको ५ जना महिला सदस्यहरु र दलित वा अल्पसंख्यक समुदायबाट नगरसभामा निर्वाचित गरेको ३ जना सदस्यहरु मिलेर नगर कार्यपालिका बन्ने गर्दछ ।