भक्तपुर, २४ असार २०७९बुधबार भक्तपुरको चाँगुनारायण नगरपालिका वडा नं ५ पिखेल स्थित डेकोचाबाट चाँगुनारायण तर्फ जाँदै गरेको मिनि ट्रक र स्कुटी एकआपसमा ठक्कर खाँदा एक पुरुषको मृत्यु भएको छ ।
बा ५ ख ५४२३ नं को निशान मा सोही दिशा तर्फ जाँदै गरेको बा ६७ प ८४२२ नं को स्कुटीले ओभरट्याक गर्ने क्रममा मिनि ट्रकमा ठक्कर खाँदा स्कुटी चालक भक्तपुर नगरपालिका वडा नं १ सल्लाघारी बस्ने ३२ वर्षीय माधब बस्नेत गम्भिर घाइते भएका थिए । उपचारको लागी भक्तपुर अस्पताल लगिएकोमा थप उपचारको लागी त्रिवि शिक्षण अस्पताल महाराजगन्ज, काठमाण्डौ पठाइएको र उपचारकै क्रममा करिब ६ः३० मा मृत्यु भएको प्रहरीले जानकारी दिएको छ ।
घटनास्थलमा जिल्ला प्रहरी परिसर भक्तपुरबाट अनुसन्धान अधिकृत सहितको प्रहरी टोलीले प्रारम्भिक अनुसन्धान कार्य गरी ट्रक चालर्क भक्तपुर नगरपालिका वडा नं ८ लिवाली बस्ने बर्ष ४३ को सत्यराम कर्मचार्य र दुर्घटित दुबै सवारी साधनलाई नियन्त्रणमा लिई थप अनुसन्धान कार्य भईरहेको प्रहरीले जनाएको छ ।