News Portal

  • नागरिक सहायता कक्षबाट १ वर्षमा भक्तपुर प्रहरीले पुर्यायो ६० हजार बढीलाई सेवा

    भक्तपुरपोस्ट संवाददाता भक्तपुर, १५ साउन २०७९
    ४०४ पटक
    bhaktapur police rangeभक्तपुर, १५ साउन २०७९

    भक्तपुर प्रहरीले नागरिक सहायता कक्षबाट १ वर्षमा ६० हजार बढी सेवाग्राहीलाई सेवा पुर्याएको छ । प्रहरीले दिने सेवा प्रक्रियाबारे थाहा नभएका सेवाग्राहीलाई नागरिक सहायता कक्ष मार्फत सेवा पुर्याइएको हो ।

    भक्तपुर प्रहरी प्रमुख रहेका एसपी शिवकुमार श्रेष्ठले आइतवार पत्रकारसंग कुराकानी गर्दै सो तथ्यांक सार्वजनिक गरेका हुन् । उनले आफ्नो कार्यकालमा नागरिक सहायता कक्षलाई प्रभावकारी पारिएको दावी गरेका छन् । उजुरी निवेदन लेख्न समेत नजानेका करिब ९,४७६ जनालाई निशुल्क निवेदन लेखि दिएको जानकारी गराउदै एसपी श्रेष्ठले त्यसबाट नागरिकको करिब १९ लाख रुपैया बचत भएको दावी गरे ।

    सेवाको लागि आउने केही थाहा नभएका आमनागरिकलाई नागरिक सहायता कक्षबाट सरल र सहज सेवा प्रदान गरिएको र काम भए नभएको अनगमन गर्ने र गुनासो सम्बोधन गर्ने संयन्त्र प्रभावकारी पारिएको उनले जिकिर गरे ।

    जिल्लामा लागु औषध दुर्व्यसन बिरुद्ध ससक्त रुपमा उत्रिएका एसपी श्रेष्ठले आफ्नो कार्यकालमा पटके दुर्व्यसनीलाई पक्राउ गरी लागु औषध कारोबारीको जालो समात्न समेत सफलता प्राप्त गरेका थिए । उनले दुर्व्यसन बिरुद्ध ४ हजार ४ सय ५७ वटा औपचारिक कार्यक्रम गरी २ लाख ३ हजार २ सय ४१ जना किसोरकिसोरीलाई सचेतनामूलक प्रशिक्षण दिइएको समेत जानकारी गराए ।

    उनले मानिस हराएको सूचना पाउनासाथ खोजी कार्यलाई महत्वको साथ् अघि बढाउने संयन्त्र बनाइएको बताउदै हराएको मानिसको स्थान खोजी गर्दै विभिन्न जिल्लामै पुगी खोजेर ल्याइएको जानकारी गराए । समुदाय – प्रहरी साझेदारी कार्यक्रम मार्फत प्रहरी र समुदायको सम्बन्ध मजबुद पारिएको उनले प्रष्ट पारे ।

    उक्त अवसरमा आफ्नो कार्यकालमा गरिएका उल्लेखनीय अपराध अनुसन्धानको घटनाबारे समेत जानकारी गराउदै एसपी श्रेष्ठले भक्तपुरमा जघन्य अपराधमा कमी भएपनि चोरी,ठगी, जबर्जस्ती करणी र लागु औषध दुर्व्यसनीसंग सम्बन्धित अपराधका घटनाहरु चिन्ताजनक रुपमा कायम रहेको र त्यसको न्यूनीकरणका लागि आफ्नो कार्यकालमा अपराधीलाईलाई कानुनी कारवाहीको दायरामा ल्याउन कुनै कसर बाँकी नारखिएको बताए । उक्त अवसरमा जिल्ला प्रहरी परिसर भक्तपुरका सूचना अधिकारी समेत रहेका डिएसपी राजु पाण्डेको समेत उपस्थिति रहेको थियो।

    जिल्ला प्रहरी परिसर भक्तपुरको प्रमुखका रुपमा २०७८ असार देखि नेतृत्वमा रहेका एसपी श्रेष्ठको केहि दिन अघि अख्तियार दुरुपयोग अनुसन्धान आयोगमा सरुवा भएको छ । सोमबार उनको औपचारिक बिदाइ हुने बताइएको छ ।

     

    हेर्नुस् बिस्तृत विवरण

     

    प्रतिकृया दिनुहोस्

    सञ्चार जगत सत्ताको प्रतिपक्षी नै हुनुपर्छ भन्ने मान्यता सही होइन : मन्त्री शर्मा

    सञ्चार तथा सूचना प्रविधि मन्त्री रेखा शर्माले सरकारको बिरोध गर्ने नाउँमा व्यवस्थाकै बिरोध भैरहेको बताएकी...

    भक्तपुरमा मजदुर दिवसकै दिन गयो दुई मजदुरको ज्यान

    भक्तपुरमा विश्व मजदुर दिवसकै दिन दुई मजदुरको ज्यान गएको छ । इनार खन्ने क्रममा दुई...

    सूर्यविनायकले माग्यो सुझाव

    suryabinayak municipality katunje

    सूर्यविनायक नगरपालिकाले करबारे सुझाव मागेको छ । एक सूचना जारी गर्दै नगरपालिकाको राजश्व परामर्श समितिले...

    भक्तपुरमा गाईको बाच्छो खाएको आरोपमा काभ्रेका ३ मानिस समातिए

    भक्तपुरको चाँगुनारायण नगरपालिका वडा नम्बर ९ मा गाई को बाच्छो काटेर खाएको आरोपमा ३ जना...

    भक्तपुर शाखाका बराललाई पत्रकार महासंघ उपत्यकाको रजत अभिनन्दन

    नेपाल पत्रकार महासंघको उपत्यका प्रदेश समितिले प्रदेश परिषद सदस्यहरु मध्येबाट २५ वर्षभन्दा बढी समयदेखि पत्रकारिता...