भक्तपुरपोष्ट संवाददाताभक्तपुर,१७ साउन २०७९
भक्तपुर,१७ साउन २०७९नेपाल मजदुर किसान पार्टीका सांसद प्रेम सुवालले पेट्रोलियम पदार्थको विकल्पका रुपमा सरकारको ध्यान नपुगेको बताएका छन् ।
मंगलबार प्रतिनिधिसभाको बैठकमा बाल्दै सांसद सुवालले अन्तर्राष्ट्रिय बजारमा पेट्रोलको मूल्य घटे पनि नेपाली बजारमा पहिलेकै मूल्य कायम गरेको भन्दै आपत्ति जनाएका हुन् । उनले नेपाल आयल निगमको सञ्चित नोक्सानी ३१ अर्ब पुगेको बताइरहेका बेला सरकारले पेट्रोलियम पदार्थको विकल्पको रुपमा सोच्न नसकेको बताए । उनले भारतले आफ्नो लगानी भएको बिजुली मात्र नेपालबाट किन्ने योजना सार्वजनिक भइरहँदा भारतले नेपाललाई आफ्नो कब्जामा राख्न चाहेको स्पष्ट बनाए ।
यस्तै, सांसद सुवालले शासक दलहरूले भाग बण्डामा न्यायाधीश नियुक्ति गर्न लागेको भन्दै न्यायालयलाई भ्रष्टाचार मुक्त गर्न सक्ने न्यायाधीश नियुक्ति गर्नु पर्ने माग राखे ।